Ик Царнг селәнд хойр социальн обьект эдлврт орулгдх
Декабрин хөрн тавнд Октябрьск района цутхлнг Ик Царнг послекд хойр сойиальн обьект эдлврт орулгдх. Эннь больницин шин гер болн шинрүлгдсн бичкдүдин сад. Тенд танһчин правительствин ахлач Игорь Зотов бүртклһ кев. Ода тосхачнр дошкольн учрежденьд дула өглһнә систем углж тәвлһнаә көдлш төгсәжәнә. Шин сад секснә хөөн района цутхлнг поселкд бичкдүдин садт чеерүд уга болх. Бичкдүдин садын хуучн гер шинрүлж яслһна хөөн тас талдан бәәдл һарх. Хөрн жилдән эжго зогсв. Владимир Путина өгнс даалһврар энүг шинрүлх шиидвр авгдв. Ода энд далн көвүн-күүкн садт орхар чеерүдт зогсжана. Шин садт найн тавн бичкдүд орж чадх. Декабрин хөрн тавнд энүг эдлврт орулхин төлә тосхачнр амрлһна өдрмүдт көдлжәнә. Энүнә төлә федеральн хазнас арвн нәәмн сай арслнг ирв. Хойр сай арлснг бәәрн бюджте йилһж өгв. Һурвн давхрта больницин гериг бәәрн улс арвн зурһан жилдән күләв. Тер цагт больницин гер эвдрәд хуучрв. Эн жилмүдт больниц обшежитин герт көдлв. Ода шин бльницд әмтнд медицинск сән туслмж күрггдх. Һурвн операционн зал бәәнә, рентген кабинет көдлх, хойр лифт углж тәвгдв. Өдгә цагин оборудовань долан жил хооран ирв. Зотовин келсәр, селнә улсин төрмүд хаһлгджана. Энүнә хөөн района әмтн сән чинртә уудг усар тетгдх.
