Ик-Буурла усна сурвлжн иргч жилд белн болх
Ик-Буурла усна сурвлжн далн йисн процентд белн болв. Энүнә тускар хальмгин правительствин барин церглт зәнглжәнә. Энүнд һазр дорас ус һарһж авлһна сооруженьс тосхгдв, электрокүчнә сунһуг болн оборудовань углж тәвгдв. Жирн дуунад пластикин турва татгдв. Дәкәд нег тодлад келхлә, усна сурвлжна тосхлтын төсв тавн жил хооран белдж авгдв. Энүнд зуг Элст балһсн күртл усна сурвлжн татгдх гиж зуралгджала. Танһчин толһач Алексей Орловин седвәрәр райодар усна сурвлж орулх залһлдан төсвд хөөннь орулгдв. Эн төрин тускар Әрәсән Президент Хальмг танһчд ирсн кемд келгдсн билә. Поселкс хоорндк болн селәдт усна сурвлжна тосхлт иргч хойр минһн арвн дөрвдгч жилд эклх. Тер мет иргч жилд энүг эдлврт орулх зура бәәнә. Программ күцәлһнә төлә дөрвн жува арслнг кергтә. Энүг күцәхлә Ик-Буурла, Целинн, Приютненск райодын хөрн йисн селәнд болн Элст балһснд сән чинртә уудг усн ирх зөвтә.
