“Хонх” нерәдлһтә бичкдүдин студин орлцачнр арвн жилин өөнән темдглжәнә

“Хонх” нерәдлһтә бичкдүдин студин орлцачнр арвн жилин өөнән темдглжәнә. Эн жилмүдин эргцд эдн хальмгин хоорин медлд үүлдж йовна. Баһ наста билгтнр эн туршт һазадын кесг орн нутгудт йовад эврәннь билг эрдмән үзүләд нерән туурулв. Болв намрин цаг ирснә хөөн эднә студьдт дула ода күртл өгәд уга. Бичкн көвүд күүкдт кен дула өгх зөвтә гисн сурврт мана үүдәгч баг хәрүһинь олж авхар арһлачнрас сурв.

Эн баһ наста көвүд күүкд эндр өдр нарт делкәд нерән туурулсн кесг композитормудын үүдәврмүд дуулдж чаджана. Шидр регионмудын хоорнд давулгдсн секәтә марһанд хальмг танһчин баһ наста билгнтр гран при мөрә шүүж авб. Гран-при авсн дииләчнр долан хонгтан болгар норн нутгд амрч чадв.

Хоорин һардач цевгә нимгрин келсәр эндр өдр эн бичкддүд дуран өгч һазадын орн нутгудт йовна. Маднд дангин олн зүсн марһаст орлцстн гиж үрвн ирнә гиж хонх нерәдлһтә хоорин студин һардач келв.

Эндр өдр хоорин студьт дөрвн наснас авн арвн дөрвн нас күртл дөчн көвүд күүкд орлцжана. Студин бәәрн гемм уга бәәдлтә. Болв эндр өдр энүнд дула өгәд уга.

Эндр маднд Шора, хог бог уга сән бәәрн кергтә. Үвлин кемд бидн девлән өмсәд энд көдлнәвидн гиж бичкдүд эврәннь зовлнгарн хувалцв.

Хорин студин һардачин келсәр бәәрн му бәәдлтә болв чигн бичкдүд арһ уга болад кичәл болһндан ирнә. Икчүд эн киитн бәәрнд даархш, дасчксн әмтн. Бичкдүд болхла энүнд дангин даарна.

Эндр өдр кезә маднд дула өгхәр седжәхмд күн медгжәхш маднд дөн кергтә. Кенәс ода эн дөнгиг сурхмн, гиж һардач маднд келж өгв.

Кесг жилдән эн студь государственн хорин медлд бәәнә. Эн учрар цуг төрмүд госудрасвенн хорин һардачнр хаһлх зөвтә. Хальмг танһчин сойлын министретсвин и медлд эдн зогсхш.

Бичкдүдин хорин студь эндр өдр мана медлд бәәхш. Тегәд эн урчрас мадн дөнгән күргж чадшговидн гиж хальмг танһчин эрдм сурһулин болн сойлын министрин дарук учура амуланга келв.

Эндр өдр госфилармоня бәәрнд ясвр кегдх. Эн бәәрнд ясвр кегдхлә баһ наста артистр сән сарун у бәәрнд репетицан давулж чадх.

Гольдина Ирина, Котина Валерий