Хог-бог асхдг олн һазр Элстд тогтв
Элст балһсна улс зунын халун өдрмүдт икәр зовсмн. Тер мет дәкәд нег зовлнг эдниг үүмүлжәнә. Ода хотл балһснд хог-бог асхдг олн һазр тогтв, олн давхрта гермүдин өөр иим бәәрн бәәснәс көлтә элстихн терз секдг арһ уга болв. Нег үлү, салад хайсн хог-богд бичкдүд ирж наадна. Иим әәмшгтә бәәрнлә ямаран ноолда кехмб? Залху болн сән сурһмж уга улсла яһж ноолдхмб?
Пенсионерк Раиса Ивановна Чугаева Ростовск областяс күүкндән гиичд оньдин ирнә. Салад хайсн хог-бог жил болһн үзнә.
Пенсионерк Раиса Чугаеван келсәр, ода селәнд бәәршлжәнә. Тенд цевр-цер. Хальмг танһчас деер. Энд болхла йир му бәәдл тогтв. Хог богиг һазрар дарх кергтә. Ода Хальмг танһч хог-богд даргджана. Иим бәәдл чиклх кергтә.
Элстихн нурһлж хог-бог хаалһин хажуд асхна, Хамхрсн шиләс көлтә түүмр шатх әәмшг бәәнә. Иим йовдлас саглулж Элст балһсна һардачнр дару-дарунь иим хог-бог асхдг һазр уга кечкнә, болв удан боллго шинәс әмтн хог-боган авч ирж асхна. Элст балһсна административн техническ бүртклһнә әнгин ахлачин үүл даажах Елена Урванцеван келсәр, иим хог-бог уга кехин төлә чанһ бүртклһн кергтә.
Элст балһсна административн техническ бүртклһнә әнгин ахлачин үүл даажах Елена Урванцеван келсәр, хог-бог асхдг һазр оньдин илткж авна. Административн протокл бичнә. Иим кевәр зака эвдсн улс тавн зун арслнгас авн хөрн минһн арслнг күртл ялд унх зөвтә.
Зәрм һазрт хог-бог асхсн аһзр дал ик аһу эзлжәхш, зәрмдән болхла иим аһу кесг зун метр тогтана. Иим свалкс балһснд бәәх һол учрнь — бәәрн әмтн шишлнг АТХ-ла бооца батлж авчахш. Тегәд чигн элстихн керг уга хог-боган герәс холд хулхаһар хайна. Иим бәәрн ода хотл балсһна үкәрин өмн үзгт тогт Елена Урванцеван келсәр, хог-бог асхдг эн һазриг июнь сард уга кесн бәәж. Болв цөн өдр болад элстихн дәкнәс нааран хог-боган авч ирж хайжана. Ода мэрйин специалистнр закаһан иим улсиг ялд унһах зөвтә. Элст балһсна административн техническ бүртклһнә әнгин ахлачин үүл даажах Елена Урванцеван келсәр, иим хог-бог хайдг бәәрнлә ноолдхд күнд болжана. Эн төриг хаһлхин төлә энд видекамер углж тәвгдх. Тиигхлә хулхаһар хог-бог хайдг улс бәргдх.
Каспийский нертә уульнцд бәәх Элст балһсна бәәрн күүкд күн иим камер углж тәвхин тускар ик кезәнәс авн ухалжасмн. нина Манджиева эн гериг давсн үвләр хулдж авч. Иим бузр һазр бәәхин тускар меджәсн уга. Хаврар цасн хәәлсн хөөн, хог-бог асхсн һазр эврәннь нүдәрн үзв. Ода энүнә терхнь свалк тал хәләжәнә.
Каспийский проездин бәәрнкүүкд күн Нина Манджиеван келсәр, бәәрн уульнцин улсла харһад күүндж. Иим күүндвр олз-туста болсн уга. Тачкар болн бочкар хог-бог авч ирж асхжана. Зәрмдән машиһар чигн хог-бог авч ирнә. Иим йовдл ха-хоша бәәх уульнцин улс һарһна.
Ода ичрән эс геесн хотл балһсна улст мэрийн специалистнр нәәлжәнә. Эднә дөнгәр иим хурц төриг хаһлж болх. Кемр тадн хаалһин хажуд эс гиж эжго һазрт хог-бог асхсн улсиг үзссн болхла машина тойгинь бичж авад зәнглтн. Энүнә хайсн хог-богиг хәрү гертнь күргх шиидвр бәәнә.
Батан Санжрма, Котина Валерий, Очра Сергей
