Хальмгин университетд шин номин болн сур.улин өутхлнг секгдв
Хальмгин университетд дәкәд нег номин болн сурһулин цутхлнг секгдв. Энүг профессор Владимир Саксыков һарджана. Энүнлә көдлжәх әмтнә тоолврар, профессор Саксыков номин халхар соньн шинжлт кев. Кесг жилдән билгтә инженер экономикин номд эврә тәвцән орулжана. Эврәннь һарарн графическ зургуд, скульптурмуд үүдәжәнә, эврәннь гүн уха тунһажана. Энүнә тускар тодрхаһар мана сюжетд келгджәнә.
Сурһулин болн номин шинжлт кедг заведеньст зәнглһнә эв-арһ олзлж күүнә био-нано энергин инженерн төсв белдлһн. Иим жанһрта болн күнд нер профессор Саксыков эврәннь цутхлнгдан өгв. Болв энүнлә көдлжәх әмтн иим төсвиг дөннсн уга. Үлгүрнь, Хальмгин университетин президент Герман Борликов иим программла зөвшәржәхш. Тер бийнь номт Саксыков күүнә био-нано күч шинжлжәнә. Келхд, Владимир Саксыков олн-зүсн халхар гүн медрлтә күн гиж энүнлә хамдан көдлжәх багшнр болн номтнр келнә. Лайф Масловин келсәр, Саксыковла шатр нааднавидн. Ода болхла гүн медрлтә номт гиж энүг меднәв. Познякин келсәр, тана үүдәсн графическ көдлмш йир соньн. Башко келсәр, ода ирж тана үүдәврмүдиг меддг болв. Инженер эрдмтә күн иим экономическ халхар шинжлт кеснь өвәрц болжана.
Кесг жилдән билгтә инженер экономикин номд эврә тәвцән орулжана. Эврәннь һарарн графическ зургуд, скульптурмуд үүдәжәнә, эврәннь гүн уха тунһажана. Энүнә тоолврар, медәрсн наснд күрсн күн болһн эврәннь жирһлин хаалһд дөрвн девснгәр жирһнә. Бичкн цаг, эргнд бәәх юм шинжлһн, гүн уха тунһалһн болн оюни девснг. Түрүн һуврн жилд үзәд, сонсад шингәж авсн тоот медәрсн наснд үүдәлтин халхд байн материал болж һарна. Хальмгин университетин профессор Владимир Саксыковин келсәр, әмд күн олн-зүсн халхар үүлдх зөвтә. Күн болһн эврәннь уха-санаһан бүрткж һардх зөвтә. Тиигхлә шинжлт кехд амр болх, Номтын тоолврар, ухан-санан материя биш, хаһрлһн үклһн биш, төрлһн болжана. Күн бийән дуралһад робот кесн болхла, тиигхлә кү үүдәсн бурхн бәәнә гиж Саксыков тоолжана.
Профессор Саксыковин ухан-тоолвр йир соньн болн өвәрц. Энүнә хәләцәр искусств болн номин хоорнд тас йилһл уга болжана. Күн болһн цуг билг-эрдм, хальмгин номтын тоолврар, хоршасн байн дамшлтан талдан улст өгәд, тер тоод гүн медрл авхар седжәх баһчудт өгх кергтә. Тегәд иим медрл болн дамшлт авх болзгиг хасхин төлә, багшин цуг билг-эрдм олзлх зөвтә. Эн халхар номин шинжлһнә цутхлнг секгдв. Энүг өвәрц күн һарджана. Цутхлнгин көдлмшин аш ямаран болх. профессор Саксыковин ухан-тоолвр чик аль угай? Энүг цаг медх.
Хавтхна Элла, Хулхачин Николай
