3 августа 2012, 15:21
Хальмг танһчин райодт эмчнрин мобильн офис күрч чадх
Хальмг танһчд иргч намрар олна дамшлтын эмчин мобильн офис секгдхмн. Машинд углж тәвгдсн эмнүлин модуль түрүн болж эндр Целинн района Троицкое селәнд үзүлгдв. Района бәәрн әмтн энүнд эмчин шинжлтд орж чадв. Түрүн саглулгч хәләвр болн эмчнрин шинжлтд орхин төлә шин комплекст цуг аппаратмуд бәәнә. Энүнд күүкд улсин эмч, нүднә болн лор эмч көдлх. Тер мет лабораторьт цусна олн-зүсн шинжлт кеж болхмн. Энүнә ашиг һучн минут болад авч болжана. Хальмг танһчин эрүл-менд харлһна болн социальн делгрлтин министр Владимир Шовуновин келсәр, иим эмчин мобильн офис танһчин цуг райодт күрч чадх. Энүнд шишлнг медицинск дөн күргдг танһчин цутхлнгин эмчнр көдлхмн.
