Хальмг танһчин медлд бәәх технологическ институтин үүлдвриг танһч дөннхмн
Хальмг танһчин медлд бәәх технологическ институтин үүлдвриг танһч дөннхмн. Им шиидвр танһчин толһач Алексей Орлов батлсн бәәнә. Эндр өдр эн институт Северо-Кавказск федеральн институтин медлд орна.
Эн йовдл түрүн харһлт биш. Жил хооран танһчин толһач Алексей Орлов Хальмг технологическ институтин һардврла харһсн билә. Эн жилә һарһлт зөвәр өргн. Танһчин толһачла күүндх төр институтин багшнрт болн оютнрт дала гиж институтин директор Алексей овшинов келнә. Ода институтин туск ахр зурц тана оньгт тусхажанавидн.Эн жилин май сард институт тогтсна арвн жилин өөн темдглгдсмн. Дигтә тер цагла Северо-Кавказск университет секгдсмн. Өдгә цагт Хальмг технологическ институт дигтә тер университетин медлд орсн бәәнә. Урднь болхла эдн Пятигорск государственн технологическ институтин филиал гиж тоолгддг билә. Мел тер цагт мана институт делгрлтән авсн болдг. Эн цагин дотр баһ биш күцәмж бәргдсмн. Институтин багшнр, оютнр цуг Әрәсән бәәтхә нарт-делкән чигн марһаст орлцна. Грант шүүһәд, терүгәрн олн-зүсн номин керг-үлдврмүд давулдг болв. Арвн жилдән институтиг толһалж йовх социологическ номин доктор, профессор Алексей Николаевич Овшинов жилә хамгин сән һардач болв. Институт бүклдән болхла, Әрәсән хамгин сән зун деед сурһулин тоод орсмн. Энүнд геоч болжах диплом болн темдгиг харһлтин йовудт давсн керг-үүлдврт байрин бәәдлд бәрүлж өггдв.
Иим сән күцәмж бәрсн болвчн, Әрәсән эрдм-сүрһүлин давулсн мониторингин ашар технологическ институтин үүдлврин чинрнь өөдән бишәр үнлгдсмн. тодрхаһар келхлә, эн эрдм-сүрһулин учрежденьд шинрлтс орулх кергтә гиж заагдсмн.
Мониторин давулсн цагтан һоллгч учреждень эн институтиг төгсәсн баһчудин эрдмин күч-көлсн өдгә цагт йир кергтәг тоод авх зөвтә — гиж танһчин толһач Алексей Орлов тоолжана. Юнгад гихлә, институт төгсәсн баһчудын далн процентнь дигтә мана регионд үлдж көдлдг улс болжана. Нег үлү өдгә цагт мана танһчд олн-зүсн шин төсвс эдлврт рулгджах цагт эднә үүдлвр маднд эрк биш кергтә гиж танһчин толһач цааранднь темдглв.
Эн институин үүлдврх дөннх арһан танһчин толһач медүлв. Энүнә кергт институтин һардвр танһчин правительствта залһлда бәрж үүлдх проект белдх зөвтә. Эн халхар министрмудт даалһвр өгх санаһан Алексей Орлов медүлв.
Мана институт эврә шишлнг бәәрн уга , өдгә цагт бидн 7-гч тойгта профессиональн лицейин ул деер үүлджәнәвидн, эн тоотиг мониторингин аш бас медүлв. Тегәд институтин бәәрнә төр эндр өдр хамгин һоллгчин негнь болжана.-гиж институтин директор Алексей Овшинов цәәлһж келв. Энүнәс нань институтд эврә көлгн уга. Цуг эн тоотин тускар өргн күүндвр болв. Харһлт бүкл хойр частан болв. Энүнә хөөн институин оютнр байрин ик концерт үзүлв.институтин оютнрин бәәдл-жирһл сонньнар, бпайртаһар, олзта-тустаһр давдгнь эн бас нег герчлж мелүдв.
Чүүчән Валентина, Ирчинә Алексей
