Хальмг Танhчд жил ирвәс гөрәснә то баһрад йовна
Өдгә цагт гөрәснә туск төр йир хурц болжана, жил ирвәс эн анһудын тонь баһрад йовна. Мана Танһчд эн өдрмүдт Москва балһснас анһучлһна цутхлнгин номтнр, биологуд ирсн бәәнә эдн мана Танһчин экологудла харһж күүнджәнә.
Ода специалистнр гөрәсн туһлсна орм үзүлжәнә, өдгә цагт гөрәсн олар күн болһн Тенгута һазрт үзж чаджана. Москва балһсна аһачлһна цутхлнгин специалист биолог номин кандидат Сергей Сидоровин келсәр эндр өдр кегдсн көдлмш күцц болв.Тиим болв чигн эндр өдр гөрәснә то жил ирвәс баһрад йовна.Әрәсәд эн тускар номтнр гүн көдлмш кеж эн тускар олн зүсн харһллт болн күнндвр тогтана.
Эн тускар мадн кесг әмтнлә харһж күүнджәнәвидн, энд өдр гөрәснә өвр йир үнтә, тегәд өврнь авхар эн сәәхн анг ална — гиж Сергей Сидоров келж өгв.
Жил ирвәс гөрәснә то баһрад йона. Эн тускар ахлачнр закан батлх зөвтә, дәкәд гөрәсиг алсн әмтнд ялд унһах кергтә болжана. Минһн йисн зун йисдгч жилмүдт һурвн зун минһн гөрәсн билә, өдгә цагт болһна долан минһн күртчәнә. Гөрәсн хальмг танһчин зөөр болжана. Эндр өдр мана әрәсән номтнр казахстана номтнрас үлгүр авх зөвтә, тенд болхлаг эн тускар кесг закан батлгдсн билә. Жил болһн эн төрт зун сай арслнг йилһж өггджәнә. Хойр минһн хойрдгч жилд хөрн минһн гөрәсн билә, ода хойр зун минһн бәәнә. Номтр, шишлн специалистнр кергтә техник олзлад гөрәснә ард йовад, альд бәәршлсн һазрнь оч хәләнә.
Хальмг Танһчин йиртмжин министерствин специалист Баатр Убушаевин келсәр эндр өдр гөрәснә тускар дөрвн күн көдлжәнә.Эдн зун минһн гектарин һазрт йовж гөрәсмүдин тооһинь бичх зөвтә.
Холл хаалһд йовхд маднд мөнгн, шишлн техник бас кергтә. Урднь район болһнд анһучнр маднд нөкд болдг билә, өдгә цагт бидн эврә арһарн эн көдлмшән кенәвидн.
Энд көдлсн әмтн жалв угаһар көдлнә-гиж Сергей Сидоров келв. Удан эдн энд көдлшго. Гөрәсн алсн әмтнлә ноолда кех кергтә, цуг дн негдүлхлә цааранднь гәрәснә тонь икгдх гиж Москва балһсна ирсн специалист келв.
Эндр өдр эн хурц төриг хаһлһин туст күн болһн эврә нилчән дөнгән күргхлә эн төр делгрллт авх.
Валентина Чучеева, Дмитрий Жамбинов
