Хальмг келн — мини келн, хааж болшго – нарн
Төрскн келндән нерәдгдсн акц Элст балһсна школмудын сурһульчнр Арбат нертә талвнгд «Хоорндан зуг хальмгар күүндхмн» гисн күслтәһәр эн керг-үүлдвриг бүрдәв.
Ик урдаснь Балһсна школын сурһульчнр бичкн открыткс эврә һаранрн белдв, эн открыткд өдр бүүрин бәәдл жирһлд олзлдг үгмүд хальмг келәр бичәтә. Күн болһнд белглсн открыткс йир таасгдв, эдн оньган өгч умшч таньлдв.
Хөрн һурвн наста Александр Дроботов школд хальмг келәр тавн темдг авдг билә, болв кесг жил давад эндр өдр хальмгар цөн үг меднә. Эн керг үүлдвр энүг өврүлв.
Эндр өдр ачта амрлһндан бәәх Ноһалан Раиса тавн үрдүдән, болн зурһан ачнр зеенрән хальмг кел дасгһхар седжәнә, болв эндр өдр дорас өсч йовх баһчудт эн келн керго болжана.
һаза киитн болв чигн олн әмтн эн керг үүлдврт дуран өгч орлцв. Тер юнгад гихлә өдр бүүрин бәәдл жирһлд күн болһн нег үг хальмгар дасхла энүнә үгмүдин көрн байжх.
Аджин Светлана, Хавтха Элла
