Грипп болн ОРВИ гемәр гемтсн улсин то өсжәнә

Хальмг танһчд грипп болн ОРВИ гемәр гемтх әәмшг бәәнә. Энүнә тускар танһчин правительствин медлд үүлджәх санитарн-противоэпидемическ комиссин гешүд зәнглв. Ода танһчин эрүл-менд харлһна учрежденьст грипп болн ОРВИ гем эмнүлдг эм дутжана, тер мет оборудовань болн медицинск көдләчнриг харсдг эв-арһ баһ болжана. Противоэпидемическ керг-үүлдвр күцәхин төлә немр зурһан зун минһн арслнг йилһж өгх даалһвр финансин министерствд өггдв. ОРВИ гемәр гемтсн бичкдүдин эдгтл школд орулшго заквр танһчин эрүл-мендин министерствд өггдсн бәәнә. Хальмг танһчин Роспотребнадзорин зәнглсәр, ода ОРВИ гемәс көлтә хойр бичкдүдин сад дав зуур хаагдв, арвн школд һучн нәәмн класс сурчахш. Специалистнрин темдглсәр, грипп болн ОРВИ гемәр гемтлһнә әәмшгтә кемжән давгдад уга.