Городовиковскд шин хаалһ тосхгдв
Ода эн болн талдан төрмүдин тускар тодрхаһар. Городовиковск балһснд дорд-ар үзгин районд шин асфальтированн хаалһ эдлврт орулв. Эн байрта йовдлыг бәәрн улс кег жилдән күләв. Хальмг танһчин толһач Алексей Орлов тосхачнрин көдлмшиг үнлв. Хаалһ байрин бәәдлд секснә хөөн, танһчин толһач социальн обьектмудт одв. Энүнә тускар мана түрүн сюжетд келгджәнә.
Хөрн жилдән күләжәсн хаалһ тосхгдв. Һурвн долан хонгин эргцд Поповин, Рабочая нертә уульнцд Малиновский переулкд асфальт делгв. Хаалһ утдан долан зун тәвн һурвн метр тогтажана. Городовиковск балһсна улст шинрүлгджсн хаалһ ик байр үүдәв. Энүг сольврин хаалһ гиж эдн нерәдв. Ода шин хаалһар машид боомтг угаһар йовж чадх, әмтн болхла көдлмштән болн сурһульдан амрар күрч чадх.
Городовиковск муниципальн бүрдәцин толһач Сергей Середа келсәр, балһсна дорд-ар үзгин районд асфальт уга билә. Тегәд энд хаалһ татх зура авгдв. Бичкн уульнцин әмтн шин хаалһд һарна. Эннь амр болв. Ода балһснд күрхд амр, садикт күрч болх.
Келхд, шин хаалһ танһчин хамгин хуучн сурһулин заведеньд — дөрвдгч тойгта эрдмин училишд күрчәнә. Энүнд һурвн зун оют сурчана. Ода эрдмин училиш олн халхта колледжд хүврв. Сурһулин заведень сурһмжлачин шин эрдм баһчуд дасхмн.
Олн халхта колледжин директор Наталья Ильянован келсәр, сурһулин заведень шин нер авснь нег керг, ода энд шин эрдмәр баһчуд сурч чаджана. Урдк кевәр мергжлттә көдләчнриг белдсн деерән, колледжд дунд эрдмин специалистнр белдгдх.
Городовиковск балһсна медәтнрт Хальмг танһчин толһач Алексей Орлов Хальмгин күч-көлснә ветеранмудын иткүлин цаас бәрүлж өгв. Ода районд нег минһн күч-көлснә ветеран бәәнә. Алексей Орлов эдниг халунар йөрәһәд, шин хаалһ — иргчин хаалһ болджана, тана иргч сарул бәәхтә болх гиж темдглв.
Хальмгин толһач Алексей Орловин келсәр, шин хаалһ балһсна олн әмтн бәәдг һазрт татгдв. Нег үлү, шин хаалһ олн халхта колледжд ирснь сән керг. Сурһулин заведеньд шин эрдмәр көвүд-күүкд сурч чадх, дунд эрдмин специалистнр эндәс һарх.
Тер мет эн саамд танһчин толһач Лазаревск СМО-н Большой Гок поселкд хаалһ тосхлһна йовуд бүрткж хәләв. Эн жилин сентябрь сард тосхачнр цуг көдлмш төгсәһәд, асфальтированн хаалһ эдлврт орлух зурата. Эн тосхлтын төлә мөнгн танһчин болн федеральн бюджетмудас йилһж өггдв. Ут-тоодан хөрн хойр сай арслнг олзлгдв. Тер мет Алексей Орлов социальн обьектмуд, тер тоод Кировск школ болн Колокольчик нертә бичкдүдинс адт одад, коллективла харһлт кев. Сурһулин шин жилин өмн эрдм-сурһулин заведеньст дула өглһнә автономн систем углж тәвгдв. лайф школын дирекеторин келсәр, сурһулин шин жилд бичкн школмуд белн болв. Энд цуг кергтә оборудовань бәәнә. Школд болхла автономн дула өглһнә систем көдлх. Ик байрта бәәнә.
Дәкәд болхла Алексей Орлов Городовиковск района цутхлнг больницд бас одв. Сүл жилмүдин эргцд энд гемодиализн цутхлнг секх зура бәәнә. Ода төсвин көдлмш күцәгджәнә. Шин тосхлтын төлә һазр йилһж өггдв. Ода Городовиковск балһснд арвн зурһан минһн күн бәәнә. Эднә төлә бәәцин болнг социальн сән таал бүрдәгджәнә. Балһсна администрацин һардврин келсәр, балһснд болжах шинрлт цаарандан чигн кегдх.
