ГИМС инспектормуд Үстин района муниципальн бүрдәцин ахлачнрла харһж күүндв
Цаһан Амн селәнд ГИМС-ин инспектормуд Үстин района муниципальн бүрдәцин ахлачнрла харһж күүндв. Күүндврин йовудт эндр өдр өөмлһнә кедү һазр белн бәәхинь келгдсн билә. Эндр өдр әмтн амрхларн кергтә өөмлһнә һазрт одхш. Тегәд энүнә ашт кесг зеткртә йовдл харһна.
ГИМС-ин инспектормуд долан хонгин хойр дәкж тенгст һарад бүртллһнә көдлмштг күцәнә. Эндр , эднә келсәр өдр болһн дөрвн зун керм тенгст һарна. Тенгст һархларн керм бәрсн әмтн кергтә цааста бәәх зөвтә.
Хальмг танһчар Әрәсән МЧС-ин ГИМС-ин цутхлнгин ах инспектор Игорь Эдгеевин келсәр, саглулгч керг-үүлдврмүд күцәсн бийнь, зака эвддг йовдлмуд олн. ГИМС-ин инспектормуд иим дуту-дундст кергтә оньг тусхана. Арһалчнрт цуг кергтә зөвшәлин цаасн бәәх зөвтә. Эндр бүртклһн болхин утскар сонсчкад, онцһин эздүд тенгст һарсн уга . Кергтә цаасн уга болхла кермин эздүдиг тавн зун арслнга мөнгнд ялд унһана. Эннь дегд бичкн кемжән. Ялын кемжәг икдүлх кергтә гиж Эдгеев келнә.
Борис Муданкиев заһсч. Усн дала болад, дулан өрмүд зогсад өлр болһн заһсар тежәл кенәв гиж Борис маднд келв. Болв өдр болһн уснд һархла кермән дангин ясрулж һарна, юнгад гихлә керм дегт хуучн, уснд унад хорх әәмшг бәәнә.
Кесг заһсчнр ГИМС —ин инспектормудыг әәһәд зулад, эврә кермән үзүлхш, эннь буру йовдл тер юегад гихлә күүнә эрүл менд энүнә һарт болжана.
ГИМС-ин кесн сүл то дигәр эндр өдр 70% кермс герчлһнә цаасн авсн билә. Иргчд әмтнә өөмдг һазр бас хәләгдхмн. Цаһан Амнд дөрвнь өөмдг зөвтә һазр бәәнә. Болв әмтн әврән талдан зөв уга һазрт өөмдг учр дангин харһна.
Өөмдж болшго гисн зарһ оньган өгхш. Тегәд талдан эв арһ олзлж әмтнә әәмшг өөмлһиг кергтә эв арһ олзлх кергтә. Энүнә тускар цаган амнд гимсин инспектормуд күүндвр тогтав. Эн өдрт цуг Әрәсән уснас харслһна региональн әнг бүрдәгдв. Эн әнг шин пунктс үүдәж бәәрн әмтнлә цәәлһврин болн әәмшг сорлһнә көдлмш күцәгдхмн гиж төсв шиигдв. Хальмгин МЧС-ин көдләчнр бүртклһ кесн бийнь, әәмшг уга бәәдл тетклһнә төлә саглулгч керг-үүлдврмүд күцәжәнә.
Азыда Надежда, Бадмаран Владислав
