Эрмдгтә бичкдүдин төлә байрин нәр-наадн болв
Бичкдүдин шин жилин байрин нәр-наадн эклв. Киитн Аав болн энүнә ач күүкнь орлцата бичкдүдин иим түрүн байр дистанционн эв-арһар сурчах көвүд-күүкдин төлә болв. Энүнд Элст балһсна болн танһчин цуг райодас зун тәвн көвүн-күүкн орлцв. Иим соньн нәр-нааад эднд буйнч седклтә улс бүрдәж давулв.
Байрин нәр-нааднд бичкдүд олн-зүсн костбм өмсв, белгүд эднд бәрүлж өггдв, көвүд-күүкд байрлв. Бичкдүдин һол байрин өмн өргнд дистанционн эв-арһар сурһуль дасжах орлцачнрин төлә нәр-наадн бүрдәж давулгдв. Санан Санджиев эрүл-менднь му болад дундын школд орж чаджахш. Энүнә эк келсәр, иим керг-үүлдврин йвоудт көвүнь талдан бичкдүдлә харһад, наадад байрлна.
“Дистанционное обучение” программин орлцачин эк Лариса Санджиеван келсәр, иим байрин көвүнь ик эртәс авн күләнә, икәр байрлна. Жил болһн сән артистнр ирнә. Зал ке-сәәхн, ик ханлт өргжәнә.
Хамдан сурчах көвүд-күүкдиг эдн зуг видеозалһлдаһар үзнә. Тегәд иим нәр-наадна йовдт эдн таньлдад, елкин өөр болдг нәр-нааднд болн марһаст орлцад, чеежин сергжм авна. Иим кевәр шин жилин байриг цутхлнгин хойр зун көвүн-күүкн тосв. Байрин керг-үүлдвр хойр әнгәр болв, хамгин бичкн наста көвүд-күүкдин болн ах наста бичкдүдин насни багин төлә бүрдәгдв.
Эрдм-сурһулин чинр үнлһнә цутхлнгин директорин үүл даажах Нонна Жилина келсәр, эдниг дистанционн эв-арһар дасхжана. Скайбин эв-арһар сурчана. Иим шин жилин байрт эдн харһад хоорндан хәрлцж чаджана.
Эк-эцкнрин келсәр, эрмдгтә бичкдүдин төлә бүрдәгджәх керг-үүлдврмүд иим көвүд-күүкд ик байр үүдәж, эднә санлд кесгтән үлдх.
Төсвин орлцачин эк Кермн Даржинован келсәр, хойр жил дарандан иим байрт орлцжана. байр таасгдна.
Буйнч седлтә улсин нилчәр эрмдгтә бичкдүдин төлә бүрдәсн нәр-наадн сергмжтәһәр давулгдв. Спонсормудын дөнгәр бичкдүдт әмтәхн хот-хол болн белгүд хулдж авгдв. Киитн Аав болн энүнә ач күүкнь, көвүд-күүкдин дурта туульсин дүрмүд нәр-наад бүрдәв, елк эргәд дуу дуулв, би биилв. СНХ Сурһульч Сергей Карабут келсәр, нәр-наадн йир икәр таасгдв. карсон таасгдна. Энүнә толһа деер пропеллер эргнә.
Сурһульч Даша Сенченко келсәр, цуг бичкдүдт эрүл-менд бәәтхә, шин жилд санснь санань күцтхә.
Урдаснь белдгдсн марһас, олн-зүсн викторин, концертн программ шин жилин байрла ирлцв. Иим көвүд-күүкд нәр-наадн чеежин сергмж өгәд, дав-зуур эврәннь гем-шалтгин тускар мартулв. Ут-тоодан нәр-нааднд дистанционн эрдм-сурһулин цутхлнгин зун тәвн көвүн-күүкн орлцв. Байрт эс орлцх арһ уга көвүд-күүкд белгүдинь гертнь авч ирх. Бичкдүдин келсәр, иим нәр-наадн эднд кергтә. Талдан көвүд-күүкдлә хәрлцә бәрхд сән ничлән күргнә, дав зуур эврәннь зовлнгин тускар мартхд туслна. Шин жилин байрин авьясар эдн эврәннь күцлән дотран ухалж авв. Эднә күцл экр биш күцх гиж бүрдәһәчнр нәәлжәнә.
Елена Алексенко, Хавтхна Анатолий
