3 июля 2012, 16:54
Эндр танһчин антинаркотическ комиссин дарани сүүр болв
Ода Хальмг танһчин олсн өвсн нег минһ һар гектарт урһжана. Энүнә тускар эндр Хальмгин дотр-дундын кергүдин министр Баатр Гиндеев зәнглв. Эн төрәр танһчин антинаркотическ комиссин дарани сүүр болв. Сүүрин өмн эн халхар шинжлт кегдсн бәәж. Гиндеевин келсәр, ода хамгин олар олсн өвсн Лаганск болн Үстин райодт урһжана. Энүг хадхин төлә техник олзлх төр тәвгджәнә. Болв олсн өвсн техник күрч хадх һазрт урһжахш. Энүг һарарн хадх кергтә болжана. Энүнә төлә көдлмш уга улсиг олзлх даалһвр танһчин райодын толһачнрт өггдв. Антинаркотическ болн төрскнч седклин сурһмж баһчудт өглһнд онц оньг өгхин тускар спортын, туризмин болн баһчудын политикин министерствин элч келв. Сүүрт танһчин толһач Алексей Орлов орлцв.
