Эндр шүднә эмчнрин сән өдр

Эндр өдр шүднә эмчнрин нарта — делкән сән өдр. Хальмг танһчин шүднә эмчнр эн өдрән көдлмштән темдглжәнә. Шүдн өвдхлә бидн шүднә эмчд однавидн, шүднә гем ик бичкниг зована. Зәрм улс эмчәс әәһәд болхла шүднә гемиг олн зүсн эмәр, урһмлар чигн эмнүлнә.

Эн өдр талдан өдрәс йилһхш гиж маднд дөчн һар жилдән шүднә эмчәр көдлжәх Сарнга Евдокия келв. Баһ цагтан Сарпуль балһснд одад тенд хирург эмчин эрдм шүүж авхар йовв, болв тенд сул орм уга болад Аһш балһсна медицинск институтд орв. Энүнә көдлмшин хаалһнь Яшкульск районас эклв.

Энүнлә хамдан олн жилдән дамшлта, эврәннь кергән сәәнәр меддг, эрдмдән дурта эмчнр көдлнә. Шинкән ирсн эмчнрт Евдокия Нимяевна дангин сүв селвгәрн чигн хувалцна.

Өдр болһн эн кабинетд хөр һар улс эмннлһ авчана. Эн кабинетд болхла шүд уга улс ирж шүд бийдән тәвүлнә. Эмнлһ авсн улс эмчнртән дангин ханлт өргнә.

Хальмг Танһчин шүднә поликлиникин эмчнр эврәннь дамшлтан өөдлүлхин төлә, талдан балһсд одад сурһуль сурна.

Эн дамшллта эмч бас олн жилмүдин эргцд эн поликлинкд көдләд, кесг эмтнд дөн тусан күргсмн.

Эрүл мендәс даву юмн уга гиж келдмн. Баһ цагасн авн күн болһн эврәннь цогц махмудтан эрул мендән оньган өгх зөвтә. Шүдн болхлаг талдан цогц мөчмүдлә әдл чинртә. Күн болһн баһасн авн шүдән керглж сәәнәр хадһлх зөвтә. Терүнә ашт күүнә эрүл менд күн эрүл дорул болсн чирә зүсәрн чигн сәәхн болхнь лавта.

Аджин Светлана, Хулхачин Николай