Эндр прокуратурин ветеран йирн насна өөнән темдглжәнә

Эндр прокуратурин ветеран, төрскән харсгч дәәнә орлцач Иван Сафонов йирн жилин ончта өөнән темдглжәнә. Эндр энүг хамдан көдлж йовсн улс халунар йөрәв. Хальмг танһчин толһач Алексей Орлов ветераниг бас йөрәв. Өөнән темдглжәх Сафоновиг Орлов хамгин түрүнд йөрәхәр эндр өрүн гертнь гиичд одв. Әрәсән Президентин бичг энүнд бәрүлж өгв. Алдр Диилврт ик тәвцән орулсн күүнд Владимир Путин ик ханлтан өргжәнә. Тана баатр-зөрмг йовдл олн улсин санлд мөнкинд үлдх, төрскнч сурһмжин үлгүр-үзмж болх. Танһчин толһачин зәнглсәр, Хальмгин правительств шин гер хулдж авхин төлә бәәрн бюджетас ветеранд мөнгн йилһж өггдх. Тер мет эндр Иван Сафоновд байрин бәәдлд Әрәсән Федерацин прокуратурин күндтә көдләчин өөдән ведомствен темдг бәрүлж өггдх.