Эндр олн-әмтнә хуралын дарани сессь болв
Эндр Хальмг танһчин олн-әмтнә хуралын дарани дөрвдгч сессин сүүр болв. Энүнд арвн нәәмн төрәр күүндвр кегдв. Эн жилин бюджетд сольвр орулһна, иргч хойр минһн арвн дөрвдгч жилин бюджетин закана төсвин болн хойр минһн арвн тавдгч-хойр минһн арвн зурһадгч жилмүдин бюджетин төрмүд сүүрт һол төрмүд гиж хәләгдв. эн жил таһчин бюджетин һаруһин әнг долан зун жирн хойр сай йисн зун нег минһн арслнгд икдүлв. Эн мөнгн федеральн бюджетас болн ЖКХ-н халх шинрүлһнә сангас ирсмн гиж финансин министр Надежда Глушкина кесн докладтан темдглв. Цуг сольвр орулсна хөөн танһчин бюджет нәәмн жува долан зун дөчн негн сай хойр зун далн һурвн минһн арслнг тотав. Иргч жилд танһчин хазнд долан жува нәәмн зунса арлснг орх гиж зуралгджана. Арвн тавдчг жилд долан жува найн долан сай арслнг, арвн зурһадгч жилд долан жува зун дөнч хойр сай арслнг тогтах. Танһчин финансин һол документд онц оньг государственн программд болн Хальмг танһчин улсин бәәдл-жирлһин кемжә ясрулһнд, сойлн делгрлтд тусхагдв. Иргч жил сойлын жил гиж зарлгдв. Энүнә төлә цуг һаруһин найн процентнь йовулгдх.
