22 марта 2013, 15:14
Эндр маршруткс дәкнәс экләд көдлв
Эндр өрүн Элтс балһснд маршрутн автобусмуд дәкнәс экләд көдлв. Автобусар йовлһан үн өсәд уга. Дәкәд нег толад келхлә, арһлачнрин буцлтас көлтә хойр өдр элстихн олна көлгн-күчәр йовж чадсн уга. Арһлачнрин буцлтын һол некврнь — автобусар йовлһна үниг икдүлх кергтә. Эндр әмтн зовлнг угаһар көдлмштән күрв, сурһульчнр школасн дутсн уга.