Эндр Хальмг танһчин правительствин дарани сүүр болв
Ода эн болн талдан чигн зәнгсин тускар тодрхаһар. Эндр премьер-министр Людмила Иванован һардврта Хальмг танһчин правительствин дарани сүүр болв. Энүнд тавн төр хәләгдв. Цуг эн төрмүд мана танһчд ик чинртә керг болжана.Сүүрт орлцсн министрмүд болн райодын муниципальн бүрдәцсин толһачнр түрүләд эн болн иргч жилд эрүл-менд харлһна халх шинрүлһнә программ яһж күцәгджәхин туск төрәр тодрха күүндвр кев.Тер мет олн үртә өрк-бүлмүдт һазрин учаск йилһж өглһнә төр хаһлгдв.Сүүрт олна мал үвлзүлһнә йовудын болн тохма мал өсклһнә төрәр тодрха күүндвр кегдв.Иргч жилд мана танһчд ик селекционн цутхлнг бүрдәх төр тәвгджәнә, племпредприятьмудын көдлмш сергәж босхгдх.Тиигхлә тохма мал өклһнә керг ясрх зөвтә. Селәнә эдл-ахун министрин дарук Василий Бариновин келсәр, олна малд үвлд күрх хотын кемжән йирн йисн процентд белдгдв.Эн туст хамгин күнд бәәдл Үстин районд тогтв.Зунын кемд дөгш халун болснас көлтә энд олна малын төлә кергтә хотын кемжәнәс зуг далн негн процентнь белдж авгдв.
