Эндр эмч анестезиологин сән өдр

Эндр анестезиологин нарта-делкән өдр. Арвн йисдгч зун жилд анестезий бүрдәлһн хамгин һол номин күцәмж болв. Энүнә нилчәр шинжлтин делгрлт болв. Ода болхла эн халх клиническ медицина салу әнг болжана. Өдгә цагт эмч-анестезиологуд угаһар нег чигн операц болхш. Эндр эн эрдмин көдләчнриг өөрхн улснь болн хамдан көдлжәсн улс йөрәжәнә.

Көдлмшин өдр урдк кевәр эклв. Түрүләд реанимационн әнгд немтә улсиг эргж хәләнә, эднд кергтә эмлһн бичнә. Евгений Сем енов хөрн жилдән эмч —анестезиолог болж көдлжәнә. Хойр жилдән әнгин һардач болж үүлджәнә. Йирн хойрдгч жилд Астраханск медицинск институт төгсәв.

Евгений Семеновин келсәр, эмчин эрдм йир соньн болн дааврта. Иим улсин көдлмшин ашнь ил үзгднә. Зәрмдән гемтә үлс күн бәәдлд нааран тусна. Болв цөн өдр болджа эдн эдгәд, эмчиг байрлулна. Иим цагт гемтә күн көл деерән босад, серглнг болхла чееж байрар дүүрнә гиж эмч келнә. Жил болһн реанимационн әнгд һурвн минһн күн орж бийән эмнүлнә. Өдгәц агт шин оборудованя нилчәр гемтә улсиг цуг халхаснь шинжлж хәләж болна. Күн өнгрсн тускар болхла правительствин кемжәнд тодрхаһар бичгдв. Урднь болхла эмчнр олн —зүсн ведомствсин цаас олзлдг бәәсмн.

Күн өнгрсн кемд, толһа экнь үкж гисн ашиг шишлнг консилиум өгх зөвтә. Иим көдлмш гемтә күн кевтсн больницд кегднә. Иим комиссин ханьд эрк биш анестезиолог-реаниматолог болн тавн жиләс үлү көдлсн неврлог орх зөвтә. Иим халхин эмчнрин сән өдрлә эдниг өөрхн улснь, элгнсаднь йөрәһәд, гемтә улс баһар нааран орхин тускар дурдна.

Ээнән Делгр, Колдан Церн