Эндр Элст балһсна хургин депутатнрин һучн һурвдгч сүүр болв
Эндр Элст балһсна хургин депутатнрин дарани биш һучн һурвдгч сүүр болв. Хотл балһсна депутатнрин ик зунь марһана комиссин урд шиидвриг бурушах шиидврин тускар цугтан дууһан өгв. Сүүрин ашт марһана шин комиссин хань тогтах заквр батлж авгдв. Энүнә ханьд дөрвн күн орх. Шин комиссь удл уга көдлмшән эклхмн. Тер мет сити-менеджерин цолд шин марһан зарлгдв. Дәкәд болхла эндр өдр бийнь һучн дөрвдгч бачм чинртә Элст балһсна хургин сүүр бас болв. Эн сүүр келһн бас учрта. юнгад гихлә. сити-менеджерин цол дав зуур даажах Церн Денисов үүләсн һарх эрлһ орулж өгч. Сити-менеджерин цолд Артур Дорджиевин кандидатур депутатнр орулв. Эн төрәр болсн сунһлһна ашт Артур Дорджиев эндр өдрәс авн сити-менеджерин цол дав зуур даажана.
Эндр Элст балһснд Колонск боодгин өөр субботкин болв. Энүнд Элстин мэр Эрдни Шогджиев болн хотл балһсна депутатнр бас орлцв. Субботникин йовудт олн әмтн эргднк аһух хог-богас цеврлх. тавн зун урһа мод тәрх.
Эндр келн-улсин донормудын өдр темдглджәнә. Эндр өдрт Әрәсән цуг субьектмудт донорск цусн дутжана. Энүнәс иштә Әрәсән эрүл-менд харлһна министерств цусна церглт делгрүлһнә программ батлж авсмн. Онц темдглхд. арвн нәәмн наснас авн жирн нас күртл цуг улс цусан өгч чаджана.
