Эндр Алексей Орлов Монһлын делегацла харһлт кев
Эндр хальмг танһчин толһач Алексей Орлов Монһлын делегацла харһлт кев. Алексей Орловин келсәр, мана хойр келн-улс хоорнд бат залһлдан тогтв. Күсдүндур жил хооран Монһлын президентин һардврта ик делегациг тосж авлавидн. Энүнә хөөн эклномикин халхар мана хәрлцән делгрлт авв. Монһлас цөн өрк-бүлмүд Хальмг танһчд ирж бәәршлжәнә. Эдн дөрвн зүсн мал өсклһнә халхар дамшлтарн хувалцжана. Делегацин һардач Мягмарсүрэна келсәр, энд цокж авсн документальн фильмд халмьг улсин бәәдл-жирһлин тускар келгдх. Яшкульск районд болн Элст балһснд болсн цуг харһлтс шин фильмд орх. Энүнә зәнглсәр, август сард Монһлд өөрд-монһл улсин фестиваль болх. Тенд Хальмгин делегац орлцхла бас сән болх. Энүнә ханьд олн улс орх. Ут-тоодан тәвн күн Монһлд одхмн. Ирсн гиичнрт Алексей Орлов ик ханлтан өргәд, Монһлд одх зура бәәнә гиж зәнглв. Харһлтын йовудт делегацин һардач Мягмарсүрэн ухан-тоолврарн хувалцв.