Эн жил школан төгсәжәх баһчуд шүүвриг шин зокалар өгх
Эн жил школан төгсәжәх баһчудыг шүүврин сольвр күләжәнә. Ашлгч школын шүүврт дәкнәс шинрүлт орулгджана. Орс келнә болн эсвин ЕГЭ-н шүүврин авх хамгин баһ кемжән ирлцнһү дараһар һучн зурһан болн хөрн дөрвн балл тогтах. Иим сольвр эн жил орулгдв.
Ода Элстин лицейд предметн олимпиадт белдвр кегджәнә. Энүнә ашар призермудын тоод орхла, эдн марһан угаһар ямаран чигн деед сурһульд орх болмж бәәнә. Болв эн жиләс авн школан төгсәсн сурһульчнр зәрм льготан геех. Эн халхар талдан чигн сольвр бәәнә. Центр оценки качества нерт. бюджетн организацин директор Ирина Пугаеван келсәр, урднь сурһульчнр тавн деед сурһульд һурвн белдврин зөрүлтәр документ орулж өгх зөвтә бәәсмн.
Предмет болһнд ямаран шинрлт орулгджахин тускар ода школан төгсжәх көвүд-күүкд сәәнәр меднә. Эн сурһульчнр туужин — юридическ факультетд сурчана. Обшествознание нертә предметин шүүвр өгхлә ямаран шин сольвр бәәхнь меджәнә. Эрдни Сангаджиевин келсәр, урднь шүүврин Б нертә әнгд нег дааһлвр билә. Ода энүнд хор даалһвр болн хойр хәрү орв. Гиляна Иванован келсәр, ода сурһульчнр нег негнәсн даалһвр хулхаһар бичж авч чадх. Тегәд иим бәәдлиг чиклхин төлә даалһвр күнд болх зөвтә.
Йоста туужин дүрслгч көдлмш бичх зөвтәһинь туужин предметар шүүвр өгхәр седжәх баһчуд меджәнә. Туужин предметин ЕГЭ-н шүүврин даалһвр эн жил арвн даалһврт баһ болх. Эсвин предметар болхла даалһвр икдх. Шишлнг эсвин материалмудт Вероятность и статистика нертә әнг орулгджана. Тер мет геометрин нег даалһвр немгдх. Информатикин предметар болхла, даалһврин түрүн әнгнь бас тавн даалһврт баһрв. Энүнә хойрдгч әнгд болхла даалһвв тавнд өсв. Лицеин багш Светлана Музраеван келсәр, орс келнә предметар орулгджах сольвр сурһульчнрт олз-туста болх.
Элстин лицеин орс келнә багш Светлана Музраеван келсәр, үлгүрнь, урднь Б даалһвр хойр баллар үнлгддг бәәсн болхла, нидн жил болхла дөрвн балл орулгдв.
Дәкәд болхла, цөн предметмүдт өөдән коэффициент Рособрнадзор оурлхар зуралжана. Юнгад гихлә, олнд нуувч биш, школан төгсжәх көвүд-күүкд эсвин, физикин болн орс келнә предметар ик коэффициент авад, техническ деед сурһульд орж чадх. Эн жиләс авн школан төгсәсн сурһульч болһна туск то-диг федеральн зәнглһнә системд орулгдх. Энүнд сурһульч яһж сурсна, эрдм-сурһулин эв-арһ, ямаран зөрүлтәр сурснь, ЭНЭ-н шүүврт ямаран предмет шүүж авсн, энүг яһж өгсн болн ямаран деед сурһульд документан орулж өгсн тускар бичгдх.
Колдан Наталья, Бадмаран Владислав
