Элстин залврин компаньс ик өртә бәәнә
Элст балһсна залврин компаня һардачнрин тускар дөрвн уголовн керг күцәгджәнә. Эн жилин зурһан сарин эргцд прокуратурин көдләчнр зун найн тавн зака эвдсн йовдл илткв. Энүнә тускар ЖКХ-н болн энергетическ комплексин халхд финансин операц бүртклһ кесн көдлмшч багин сүүрт келгдв.
Танһчин прокуратурин болн хальмгин финансин-бюджтен бүртклһнә церглтин специалистнрин кесн бүртклһнә ашт олн патьрта гермүдин эздүдәс орж ирнс мөнгигзалврин компаньс эврәннь производсвтин кергин болн талдан чигн халхар олзлж гиж илткгдв. Эн мөнгнә зуг бичкне хүвнь энергетическ организацд йовулгдсн бәәж. Гермүдин эздүдин мөнгиг зака эвдж олзлсн зәрм компаньсин һардачнрин туск материалмуд мөшклһнә органмудт йовулгдв.
Танһчин прокурор Алексей Самсоновин келсәр, эн долан хонгт прокуратурин материалмудар дөрвн уголовн керг күцәгджәнә. Зак авэдсн залврин компаньсин һардачнр засгла харһулгдх. Гермүдин эздүдәс эдн үлү мөнг авад, зака эвдж энүг олзлсн бәәж.
Залврин компаньсин үүлдврт зун найн тавн зак аэдвсн йовдл илткгдв. Дула өглһнә, усна болн электрокүчнә өрн ода зун сай арлснг тогтажана. Залврин компаньсин ик зунь документд батлж авсн даалһвриг эвдж көдлжәнә. Энүнә тускар гермүдин эздүд эрлһ орулж өгчәнә.
Танһчин ЖКХ-н болн энергетикин министр Нелли Ткачеван келсәр, бәәрн әмтн маднд иткжәхш. Бүртклһн кегднә, зуг энүнә ашнь үзгджәхш гиж эдн тоолжана. Мана мөнгн альд бәәнә гиж эдн сурвр тәвжәнә. Залврин комнаьс көдлмшән сольсн уга, урдк кевәр көдлжәнә.
Танһчин ЖКХ-н болн энергетикин министр Нелли Ткачеван келсәр, гермүдин эздүд эднәм өнгн яһж олзлгджахин тускар медх зөвтә, эврәннь мөнгиг яһж һарһжахинь бүрткж хәләх зөвтә. Элст балһсна бәәрн улсин келсәр, ода олн давхрта гермүдт дворникүд дутжана, тегәд чигн подьездмудт киртә, кесгтән күн цеврлж хуражахш. Эн халхар бәәрн залврин органмуд болн залврин компаньс коммунальн туслмж өгсн цагт зака эвдсн йовдл һарһна.
Танһчин ЖКХ-н болн энергетикин министр Нелли Ткачеван келсәр, залврин колмпаньсиг уга кех күцл тәвгджәхш. Зуг эднә көдлмшиг ясрулх кергтә. Иим даалһвр танһчин толһач болн правительств өгчәнә. Секәтә кевәр көдлх кергтә. Бәәрн улсла бас көдлмш кех кергтә. Эднә өгсн мөнгн яһж олзлгдсн тускар гермүдин эздүд медх зөвтә.
Ода залврин компаньс эзнә конторт хүврв. Эднә һол күцлнь — оур һарһж авлһн болжана. Тегәд ода муниципалитетин уставн капиталд орлцсн хүвтә залврин компаньс бүрдәх төр босжана. Сүүрт орцлсн улсин тоолврар, иим кевәр залврин компаньсин үүлдвриг чанһар бүрткж болх. Олн патьрта гермүдин эздүдин мөнгиг зак эвдж олзлсн һардачнриг нерд удл уга медгдх. Эдн цугтан чанһ засгла харһулгдхмн.
Ээнән Ольга, Максим Мятежный
