Элстин толһач хотл балһсна улсин төрмүд хаһлв

Дмитрий Медведевин олна региональн приемнд танһчин әмтнлә харһлт болв. Хотл балһсна администрацин толһач Элст балһсна улсин төрмүд хаһлв. Тер тоод һазрин участк йилһж өглһнә, бәәдг гермүдин төрмүдәр элстихн дөн сурв. Тер мет энүнд талдан чигнр төрмүдәр сурврмуд өггдв.

Төрскән харсгч дәәнә фронтын болн тылын ветеранмудын ач-тус мөнкрүлһнә зөвин олна Хальмгин комитетин ахлач Тагир Баирхаев Элстин администрацин толһачд түрүн болж орв. Әәдрхн-Кизляр хоорндк төмр хаалһ тосхсн улсин санлд нерәдгдсн бумб тәвхинь сурв.

Тагир Баирхаевин келсәр, Әәдрхн-Кизляр хоорндк төмр хаалһ тосхсн улсин санл мөнкрүлх кергтә. Хөрн тавн минһн күүкд улс болн көгшдүд энд көдлв. Лагань балһснас көдлсн цуг улсиг меднә.

Ветерана сурвриг сонсчкад, әмтнлә күүндснә хөөн бумб бәрх Баирхаевин зааж өгсн һазрт һарч йовхан Артур Дорджиев медүлв. Кемр эн һазр эс ирлцхлә, балһсна администрац деед үзгин районд талдан һазрин участк йилһж өгх. Тер мет һазрин төрәр инвалидумдын балһсна ниицәнә элчнр нааран ирв. Арнзл Болдыревин келсәр, ода көдлжәх эднә офист тергәр йовдг инвалидмудт кергтә таал уга. Талдан улсин дөн үгаһар герт орж болшго.

Арнзл Болдыревин келсәр, эднә офисин төлә негдгч давхрт хора йилһж өгхинь сурв. Эс гиж һазр йилһж өгхлә, спортивн комлекс бәрх хура бәәнә. Тенд эднә офис кеж болх.

Наталья Арбаканова һанцхарн үрән өскжәнә. Урднь Владимир Путина приемнд одасн билә. Ода баһ наста күүкд күн тас мөнгн уга үлдв. Бәәсн гернь шатад, ода бәәдг гер уга болжана. Ода дав зуур элгн-садндан бәәнә. Зурһан болн һурвн наста үрән өскжәнә. лайф Наталья Арбаканован келсәр, ода күнд бәәдлд тусв. Бәәдг гер уга түржәнә.

Негдсн заказчикин дирекцин һардач Санл Долановд шатсн гер хәләх даалһвр администрацин толһач өгв. Энүнә ашар ирлцнһү керг-үүлдврмүд күцәгдх.

Элстин администрацин толһач Артур Дорджиевин келсәр, нааран ирсн әмтн эврәннь төрмүдән хаһлхин төлә энд көдлжәнә. Эднд нөкд болх кергтә. Нааран көгжмин зевсгүд кедг күн ирв. Энүнә кесн зевснг хәләһәд, сән болха дөн болх кергтә. Школмуд энүнә кесн зевсгүд хулдж авч чадх. Мана бичкдүд иим зевсгәр наадх зөвтә. Элстину ст дөн күргх санатаһар көдлжәнә.

Эн өдр администрацин толһачд хөрн күн ирв. Хотл балһсна цуг әмтн эврәннь төрмүдин тускар толһачла харһад күүндж чадсн уга. Ода эднә хаһлх төрмүд дала. Иим харһлт дару-дарунь кехлә сән болх гиж элстихн тоолжана.

Батан Санжирма, Хулхачин Николай