Элстин бичкдүдин нег сад тавн өдр көдлсн уга

Элстин хөрн хойрдгч тойгта бичкдүдин сад карантинас көлтә көдлшго эс гиж дав зуур хаахин тускар хотл балһсна зарһ манһдур шиидвр батлж авх. Дәкәд нег тодлад келхлә, сарнг өдрәс авн дошкольн учреждень тавн өдртән көдлжәхш. Энд һурвн бичкдүд геснә хальдврта гемәр гемтж. Энүнә учрин тускар келхлә, садт санитарн гигеническ кемжән эвдгдж. Энүнә столовд һурвн көдләчин ормд нег замч көдлжәсн бәәж. Тегәд чигн зун һучн һурвн көвүд-күүкдин төлә хот кехин төлә шишлнг эрдм уга көдләчиг нәәмәдлж авч. Тер мет ааһ-сав уһадг хорад канализационн сток болн усна кран эвдрсн билә. Энүг Роспотребнадзор илткв. Давсн мигмр өдр энүнә туск материалмуд Элстин зарһд оурлж өггдв.

Ода эн бичкдүдин садт цуг дуту-дундс чиклгдв гиж эндр медгдв. Хойрдгч повар көдлмштән һарв, канализацин болн усна сурвлжн ясгдв. Дошкольн учрежденя медсестран келсәр, гемтсн бичкүдт геснә грипп гемм хальдж.