Элстд турвас гүүдг уснд йод уга

Профилактическ көдлмш кегдснәс иштә, уудг усн уга бәәдл эндр өдр олн улсиг үүмүлжәнә. Усн уга цагт Водоканалын көдләчнр усна турвасиг ясрулв. Ясрулсна хөөн хлорированный усар турвасиг дүүргв.

Кабардино-Балкарин бәәрн күүкд күн Елена Кулешова хөрн жил хооарн Элст балһснур хәрд һарад ирсн билә. Хамгин үтүрнд нааран ирснә зөөн усна амтн тьаасгднс уга билә. Энд усн йир һашун .

Төрскн һазрурн ирсн цагла дангин эврәннь усан уунав. Мана усн йир әмтәхн. Энд мана усыг буслсна хөөн ууж болшго амтн уга.

Эн усар бидн хот чанхшвидн.Хулдж авсн усар хотан чаннавидн.һашун усар уһасн хувц хунр йир хату болна. Роспотребнадзорин залллтын ахлачин дарук Жангр Санджиевин келсәр эндр өдр усна чинр олн улст таасгджахш.

Усн гүүжәх турвас жил ирвәс хуучрад йовна. Эн уснд йод уга. Йод күн болхнд тусан күргнә. Хан халунд ундан хәрүлһнд әмтн ус ууна. Цевр сән уснд күүнә эрүл мендт сән тоотс бәәх зөвтә.

Хальмгин эрүл менд харллһна министерствин ах эндокринолог эмч Кермен Уланован келсәр йод гормон тусһнд сән нилчән күргнә. Саата күүкд улст, залу улст, күүкдт чигн йод кергтә.

Элстд эндр өдр йод уснд уга болхла. Энүг давснд, болһсн өдмгт тәвнә. Усна турваст бәәх усыг цеврснә хөөн йод тәвнә. Нина Калинина олн жилдән лаборант болж көдлжәнә. Эн күүкд күүнә келсәр өдр болһн бидн усыг шиншлж хәләнәвидн. Энүнә өнгнь, үнрнь болн чинрнь.

Усн угаһар бәәж болшго, болв күн болһн ямаран ус уухнь эврән ухалх зөвтә.

Хамтаханова Элла, Бадмараев Владислав