Элстд Дмитрий Подан санлд нерәдгдсн мини-футбольн марһан болв

Нертә, дамшлтта футболист, 1977-гч жилд баһ наста футболистнриг толһалж йовсн Дмитрий Подан санлд нерәдгдсн мини-футбольн марһан давсн амрлһна өдр болв.

Нарта халун майин өдр футбол нааддг баахн талвнгд олн улс хурв. Эн харһлтиг эдн бүкл арвн тавн жилдән күләжәсмн. Кесг жил хооран 12 болн З тойгта школмудын шишлнг классмудт сурч йовсн көвүд тер цагт «Гилян», «Байсачнр» болн «Уралан» командсин ханьд орх арһ хәәж йовсмн. Шулун шудрмг, сән наадач Дмитрий Пода тер цагт зөвәр чадмг наад үзүлж йовсмн. Дигтә эн футболистин санлд эн наадн нерәдгдв. Ут-ттодан олн жилмүдин зурһан команд цуглрв. Түрүн финалин өрәлд 1970-гч жилә болн 197З-гч жилә көвүд хоорндан марһлдв . эднә наадн 0-2 тооһар төгсв. Хойрдг нааднд 1976-гч жилә көвүд «Белый лотос» командла харһв. наадн хәм ашар төгсв. Пенальтин марһаһар 1976-гч жил кшвүд диилвр бәрв.

Хамгин соньн марһан 76-гч болн 7З-гч жилә көвүд дүнд давв.Юнгад гихлә, эдн нег-негндән диилгддго команд гиж кезәнәс авн тоолгда юмн болжана. Марһан нег-негн тооһар хәм ашар төгсв. Пенальтин хөөн Дмитрий Пода сурч йовсн 1976-гч жилә көвүдин команд диилар бәрв.

Цуг марһана ашар бүрдәһәчнр цуг орлцачнрт ханлтан өргәд, Йилһрсн наадачнрт күндлһнә һашгуд болн тодврин медальмуд бәрүлж өгв. Иргчдән эн марһан сән зангшалд хүврхмн гиж тоолгджана.

Колдан Наталья, Джамбин Дмитрий