Элст балһснд түрүн болж нохасин һәәхүл болхмн

Июнь сарин һурвнд Элст балһснд түрүн болж нохасин һәәхүл болхмн. Керг-үүлдврин бүрдәһәчнрин зәнглсәр, эн нәр йир соньн болх, энүнд өвәрц костюмта болн самларта нохасиг үзүлхмн. Аһрусна эздүд эн өдрмүдт белдврин көдлмш күцәжәнә.

Нәәмн наста Даяна Оконован Кай нертә цвергпинчер тохмта нохад йир дурта, эн һәәхүлд орлцх ик урдаснь белдврин көдлмшән эклсн билә. Эн күүкн «Бичкдүд болн ноха» гидг номинацд орлцад марһлдх. Жүрин гешүд болхла бичкн күүкнә ноха яһж бийән бәрнә. Ямаран кевәр өгсн даалһвр күцәдгнь хәләх. Даянан келсәр энүнә ноха йир тогтун жөөлн зангта.

Бичкн цагасн авн би нохаст дуртав. Эн ноха нанд йир таасгдна, эн мини үр болжана дангин хоюрн сул цаган давулнавидн. Галинан Лусо Анжело Энегма ноха эврәннь эзндән йир дурта. Галина эврәннь нохата «Авч ир болн өгв» гидг марһанд дөрлдх. Эн марһанд нохас эврәннь ухаһан үзүлх. Елена Посвежимован китайская хохлатая тохмта Геарес Прада бичкн болв чигн йир өкәр. Гертән мини ноха цуг даалһвр күцәдг билә, энд бас орлцад олн даалһвр күцәжәнә.

Дурта нохад бидн үснь эврән болн хувц хунр бас би уйдж һарһнав гиж Елена Посвежимова келв. Эн һәәхүл йир соньн. Эн һәәхүлд шишлн цаасн уга ноха орлцж марһлдж чадна. Бидн эн һәәхүлд орлцснь йир байрта бәәнәвидн.

Арвн сарта Маклаут немш ноха нурһарн йир өндр. Меекадх йир дурта гиж эн эзнь Александра Темирова келв. Сул цаган бидн олн цүсн даалһвр дасад давулнавидн.

Эн нохан зангнь йир жөөлн, бичкн болв чигн бөдүн нохасла ноолдж чадна — гиж Александра Темирова келв. Нохасин һәәхүл хамгин түрүнд эннь байр болжана, нохас бәржәх улс хоорндан таньлдаад күүндән дамшлтарн хувалцна. Эндр өдр ямаран болв чигн ноха бәрсн әмтн эн һәәхүлд орлцх арһ бәәнә.

Ээнән Делгр, Очра Сергей