27 сентября 2012, 15:46
Элст балһснд бичкдүдиг хаалһд хасрхин төрт нерәдгдсн керг-үүлдвр болжана
Хаалһд бичкдүдиг харсхмн. Иим нертә керг-үүлдвр Элст балһснд болжана. Энүг бичкдүд хаалһар әәмшг угаһар йовлһна арвн хонгин программар күцәжәнә. Эндр ГИБДД-н заллтин көдләчнр күүкд улсин хүүвин элчнрлә, талдан чигн организацсин гешүдлә Элст балһсна тал дунд хаалһар болн уульнцар йовсн улст зәнглһнә листовкс түгәж өгв. Үлгүрнь, энүнд иигж бичәчтә. Жолач, түргәр бичә йов, бичкдүдин автосуудл олзл гиж бичгдв. Эн жилин нәәмн сарин эргцд бичкдүд болн баһчуд орлцата тәвн йисн зеткртә йовдл хаалһд учрв. Энүнә ашт дөрвн бичкдүд әмнәсн хаһцв, дөчн нәәмн күн шав авв. Эндрк керг-үүлдврин һол күцлнь — хаалһд бичкдүд шавтлһнд олн улс оньган өгх төр твәгджәнә.
