Элст балсһна С. Радонежского нер зүүжәх орс келн-улсин гимназьд “Бичкдүдиг хазгудын зергләнд орулж авллһн”гидг керг үүлдв давв

Элст балсһна Сергия Радонежского нер зүүжәх орс келн улсин гимназьд “Бичкдүдиг хазгудын зергләнд орулж авллһн” гидг керг үүлдв давв. Байрта керг үүлдврин йовудт орс гимназин болн Элст балсһна хойрдгч тойгта школын көвүд күүкд кергтә цаас авб.

Байрин хургт орлцсн көвүд күүкд байрта бәәнә. Эн байрта керг үүлдвриг эдн удан цаг күләв. Негдгч классин сурһульчнрин андһаран келж өгв. Эн өдрәс авн эжн бийән сәәнәр бәрәд, сурһулән дөрвн тавн темдгәр сурч эк эцкнртән дөн нөкд күргх зөвтә.

Ик бичкн уга эн байрт орлцв. Негдгч классин сурһульчнриг хальмг танһчин толһач алексей орлов ирж йөрәв.

Эн керг үүлдвр бичкдүдт ик чинр зүүжәнә. Эндр өдрәс авн эдн бийән сән талас үзүләд, дорас зсч йовх баһчудт үлгүр болх зөвтә. Бичкдүдиг эн байрта өдрлә элистин болн хальмгин епископ Зиновий болн хальмгин цутхлнг хурлын ламнр ирж йөрәв. Шин жилин байрин өмн өргнд цуг бичкдүд әмтәхн белгүд авв.

Эн байрта керг үүлдвр негдгч классин сурһульчнрт йоста байр болв. Бидн ик байрта бәәнәвидн, цааранднь тиим хаөгудн классмуд секхлә мана дорас өсч йовх баһчуд хоорндан керүл цүүгән уга бәәх — гиж хальмгин хазгудын округин атаман Манджика Эрднь келв.

Школын багшнрин ухан тоолврар эн өдрәс авн эн бичкдүд авьяс заншалан мартл уга, олн зүсн керг үүлдврмүдт дуран өгч орлцх. Эврәннь сойлан медсн деерән эдн талдан келн улсин авг бәрц медж авх.

Гольдина Ирина, Очра Сергей