Экин мөнг чикәр олзлх кергтә
Ода Әрәсәд хойр болн энүнәс үлү үрдүдтә өрк-бүл экин мөнг авх зөвтә. Иим мөнгн эк-эцкнрт болн эднә өрк-бүлд өггджәнә. Тегәд иим мөнг өрк-бүлин төлә олзлж болжана. Сүл цагт экин сертификатын ормд ил мөнг өгх фирм һарчана. Иим кергт орлцжах улс бас засгла харһулгдх.
Ода баһ наста эк Анна Коворовад сул цаг күртхш. Хойрдгч күүкнь төрснә хөөн көдлмш икдв. Тер бийнь экдән дөн болх дәкәд нег күүкн төрснд ик байрта бәәнә. Тер мет экин мөнгн бас өрк-бүлд ик дөн болх. Удан ухаллго, Анна экин мөнгәр бәәдг гер хулдж авхар шиидв.
Анна Коворован келсәр, экин мөнг авхин төлә документ орулж өгчәнә. Бәәдг гер хулдж авх зура бәәнә. Эврә гер уга. Эк-эцкләһән бәәнә.
Кергтә документ белдж авлһн ик дааврта керг. Энүнд цугинь тоод авх кергтә. Нег үлү, бәдг гер хулдж авсн цагт. Танһчин Пенсионн сангин то-дигәр күсдундур жува арслнг экин мөнг тавн минһн өрк-бүл авв. Ода экин капитал дөрвн зун йисн минһн арслнг тогтажана. Сүл цагт мек-тах кедг улс экин мөнг меклж авчана. Ода иим улс сертификатыг мөнгәр сольх селвг өгнә. Одахн зөв-йосна органмуд экин мөнг меклж авсн йовдл илткв. Мек-тах кедг улс арвн дундур жува арслнг меклж авч. “Опоры России” нертә микрофинансин организац цуг Әрәсд социальн му бәәдлд туссн өрк-бүлин тускар зәнг цуглулдг дөврн зун коммерческ фирм секж. Бәәдг гермүд хулдж авхин төлә эдн экнрлә бооца батлж авдг бәәж. Иим өгьч мөнгнә кемжән экин капиталын мөнгнә кемжәнлә әдл болв. Болв иим мөнг экнрт өгдго бәәж.
Әрәсән МВД-н барин цутхлнгин көдләч Владимир Коноваловин келсәр, мек-тах кедг улс экин нерн деерәс гер хулдж авхин төлә мөнг авна. Эдн нурһлж хуучн әмтн бәәж болшго герт аптьр хулдж авна. Энүнә хөөн мөнг экнрт өгхш.
Танһчин зөв-йос харлһна органмудын зәнглсәр, Хальмгт иим мек-тах кедг йовдл илткгдсн уга. Экнрт сертификат өгсн цагт иим мөнг яһж олзлхин утскар Пенсионн сангиг көдләчнр экнрт цәәлһвр кенә. Иим мөнг бәәдг гер хулдж авлһна, бичкдүдин сурһулин төлә болн экин пенсьт арһж болх. Талдан халхар олзлж болшго.
Элст балһсна Пенсионн сангин әнгин ахлачин дарук Мария Молоткован келсәр, Элст балһснд экин мөнг мекләд авсн йовдл уга. Өрк-бүл болһн иим мөнг яһж олзлхин тускар эврән шүүж авна. Экнр саг бәәх зөвтә.
Мек-тах кедг улсас экин капиталыг мөнгәр авхла засгла харһулх закан бәәнә. Зака эвдсн йовджлд орлцсн экнр бас засгла харһулгдх зөвтә.
Андрей Басхаевин келсәр, давсн жилд экин мөнг меклж авсн хйор йовдл учрв. Ода эн йовдлмудар уголовн керг күцәгджәнә.
Экин мөнгн өрк-бүлд дөн күргхин төлә өггднә. мек-тах кедг улст өгсн мөнгн экнрт болн бичкдүдт дөн болх зөвтә бәәсмн.
Дмитрий Ивахненко, Ирина Гольдинова
