Дорж Хонинов шүлгләнә марһанд һурвдгч орм эзлв
Бурятин шүлгч Намжл Нимбуевин жирн тавн жилин өөнд нерәдгдсн шүлгләнә марһана дииләчнр йилһрв. Дәкәд нег тодлад келхлә, эн саамд шүлгчнрин дөрлдән онлайн кемжәнд давулгдв. Ут-тоодан товчлгч девснгд Бурятин, Монһлын, Италин, Китдин болн Хальмг танһчин һучн шүлгч орв. Хальмг танһчас дөрлдәнд Дорж Хонинов орлцв.
Баһчудын нәр-наадн зал кеерүлһнәс авн бүклдән космическ төрт нерәдгдв. Космическ станцд аһу ик сансрас олн-зүсн планетас оддудын гиичнр бууж ирв. Эн жил ах классмудын сурһульчнр нәр-наадн түрүн күүкд күн Валентина Терешкова космост нисснә тәвн жилин өөнд нерәдж давулгдв. Өдгә цагин баһчудт эн төрхр немр медрл авх арһ учрв. Марһана таалар эднд өгсн даалһврар көвүд-күүкд космосин делгрлтин туужин тускар дала дегтрмүд умшв.
Эн марһана орлцачин келсәр, Валентина Терешкова космост ниссн түрүн күүкд күн болжана. Энүг цуг нарта-делкәд меднә. Эн күүкнә келсәр, космос гиснтн йир ик аһута илвтә юмн гиж санжана. Эн жилин нәр-нааднд марсианмудыг үзүлжәнәвидн.
Байрин йовудт көвүд-күүкд умшачнрин марһанд орлцв. Тер мет бальн бииһин марһанд болн Нарн, Венера, Марс болн талдан чин планетмуд үзүлсн дөрлдәнд баһчуд дурлж орлцв. Энүнд хоосар бодлһн бас ик чинр зүүв. Команд болһн эврә өвәрц космическ хувц-хунр болн декорай үзүлв. Зәрм баһчуд иим нәр-нааднд түрүн болж орлцжана. Талдан көвүд-күүкд болхла иим ке-сәәхн нәәрт урднь чигн орлцв.
Иим марһанд хйордад оржанав, тер бийнь невчк үүмәд бәәв гиж эн келнә. Иим ке-сәәхн бишмүд өмсхлә, бийән йоста хатн гиж тоолна гиж эн сурһульч келнә.
Шишлнг жюри баһчудын артистын, бииһин болн шүлгләнә билг-эрдм тоод авч үнлв. Жюрин гешүдин келсәр, көвүд-күүкд яһж йовдгинь хәләһәд үзүлсн дүрмүдиг яһж үзүлснинь медж болна.
Бичкдүдин үүдәлтин бәәшнгин директор Людмила Чурбанован келсәр, иим нәр-наад бүрдәж давулһн сурһуляс сул цагт немр керг-үүлдвр болжана. Бичкдүд дурлж би биилнә, олн-зүсн нааднд орлцна. Энүнә йовудт баһчуд туужин, географин болн солйын тускар немр медрл авч чаджана.
Хамгин сән гисн оддудын баһчудт болн марһана талдан чигн призермудт үнтә белгүд болн мөрә бәрүлж өггдв. Иим нәр-нааднд орлцсн баһчуд сул цаган сергмжтәһәр давулад, иргч жилд энүг күләж белдвр кех.
Ээнән Ольга, Котина Валерий
