Дмитрий Медведев селекторн селвлцә кев
Сурһулин шин жилд белдврин көдлмш бүрткгдв. Эн төрәр эндр Әрәсән правительствин ахлач Дмитрий Медведев он-лайн эв-арһар мана орн-нутгин субьектмудын толһачнрла селекторн селвлцә кев. Күүндврин йовудт школмудын гермүдин белдврин, оборудованяр тетклһнә, сурһульчнриг халун хотар тетклһнә болн талдан чигн төрмүд босхгдв.
Дмитрий Медведевин темдглсәр, сентябрин нег шинәс авн эрдм-сурһулин шин закан үүлдврт оржах йовдл Әрәсәд ик чинр зүүжәнә. Сурһулин кергт шин зака олзлхин төлә багшнр ик көдлмш күцәх зөвтә.
Премьер-министрин келсәр, иим көдлмшиг дошкольн эрдм-сурһуляс авн деед сурһуль күртл күцәх кергтә. Тер мет багшнрин ипотечн кредитын зәрм мөнг данцалһна туск заквр батлж авгдв. Эн жил региональн эрдм-сурһулин систем шинрүлһнә төлә дөчн жува арслнг йилһж өггдв. Эн жил дөчн хойр шин школ эдлврт орулгдв, тавн минһн школд капитальн ясвр кегдв.