Деед сурһульд орх баһчуд дурта эрдәмн шүүж авв
Хальмгин государственн университетд сурхар седсн абитуриентнр хамгин олар юриспруденция эрдм шүүж авч. Энүнд нег ормд арвн йисн күн орх саната. Иим то-диг деед сурһулин приемна комиссь кев. Тер мет олн баһчуд экономика болн государтсвенное болн муниципальное управление, менеджмент факультетмудт сурхар дурлжана. Бакалавриатын программар зурһан зун далн зурһан бюджетн ормд һурвн минһн хойр зун арвн нәәмн эрлһн орулж өггдв. Эн жилин абитуриентнрин дунд жирн йинс алтн медальта көвүд-күүкд, жирн долан цаһан мөнгн медальта, йисн күн дунд эрдмин сурһулин йилһән сәәнәр төгсәж. Июлин хөрн тавн Әрәсән деед сурһульд документ орулж авлһна кем төгсжәнә. Хальмгин университет цуг оютнриг обшежитяр теткх. университетин ректор Бамд Салаевин келсәр, эн жилин чилгч күртл Элстин тавдгч микрорайонд дәкәд нег шин обшежить эдлврт орулгдх. Энүнд хойр зун найн оют бәәршлх. Тер мет деед сурһулин һардачин зәнглсәр, сурһулин шин жилд Хальмгин государственн университетд һучн орн-нутгас һурвн зкн көвүн-күүкн ирж сурх. Салаевин темдглсәр, эднәс далн тавн процентнь мөнг өгәд сурһуль дасхмн.
