Цаажин һашута өөнд нерәдгдсн керг-үүлдврмүд эклжәнә

Декабрин хөрн негнәс авн хөрн зурһан күртл танһчин толһач Алексей Орловин седвәрәр Санлын тасм нертә керг-үүлдвр бүрдәж давулгдх. Цаажла харһад әмнәсн хаһцсн улсин санлын темдг болгч тасм Хальмг танһчар керг-үүлдврмүдт орлцсн цуг улст түгәж өггдх. Элст балһснд эн керг-үүлдвр Арбатд, цутхлнг талвнгд давулгдх. Тенд санлын ик плакат тәвгдх. Энүнд күн болһн Сиврт тууврт бәәсн элгн-саднаннь нер-усынь бичж чаджана. Энүнә хөөн плакатыг декабрин зөрн нәәмнд “Исход и возврашение” нертә мемориальн комплекст күргж үзүлх. Эндр арвн хойр часла цуг танһчар цуг әмтн нег минутд зогсад, хол Сиврин һазрт әмнәсн хаһцсн улсин санл тодлх. Эн кемд машид зогсх, товас халһн кегдх. Энүнә хөөн цецгүд болг гүрмр цецгүд тәвгдх. Санлын керг-үүлдврмүдин программ асхлад государственн концертн залд Тодлврин реквием нертә концертн программар төгсх.