Бичкдүд халун хотар теткгдх
Сурһулин шин жилин өмн өргнд бичкдүдиг халун хотар тетклһнә төр эк-эцкнриг үүмүлжәнә. Эрдм-сурһулин халх шинрүлһнә программар сурһулин заведеньст столов шинрүлж ясгдв. Эн жил сурһульчнриг ямаран хот-хоолар теткхин тускар мана зәнгч Ээнән Ольга келжәнә.
Сурһулин шин жилд школьн столов белн болв гиж межведомственн комиссь темдглв. Долан хонг хооран эдн хөрн һурвдгч школд ирж бүртклһ кесн билә. Производственн әнгин һардач Мария Хальченко келсәр, столовиг нәәмәдлһнд авсн арһлач бооцаһар темдглсн болзгт ясврин көдлмш кев. Роспотребнадзорин некврәр, хот кедг хорад эрст кафель тәвгдв, хуучн усна турвасин ормд пластикин турва тәвв. Хот уудг зал болхла ода тас шин бәәдл һарч одв. Энд сплит-систем чигн бәәнә. Энүнә төлә муниципалитет мөнгнә дөн күргв. Те мет столовд шин оборудовань углж тәвгдв. Иим мөнгн эрдм-сурһулин халх шинрүлһнә программар йилһж өггдв. Ода столовд хот кесгтән халун бәәх. Энүнә төлә шишлнг оборудовань бәәнә. Талдан чигн цуг кергтә оборудовань бәәнә.лайф Столовин һардач Мария Хальченко келсәр,
Элстин дөрвдгч школд столовин төлә бас шин оборудовань хулдж авгдв. Тер мет столовин хораг икдүлв. Ода энд у-сарул болв. Директор Марина Цадырован келсәр, эн жил ясврин көдлмш муниципалитетин мөнгәр кегдв. Энүнә төлә хойр зун минһн арлснг йилһж өгв.
Марина Цадырован темдглсәр, хуучн оборудовань хаяд, шинг тәвв. Цуг аппаратуриг шинәс оурлх кергтә болв. Электрокүчн болн канализац шинрүлгдв. Ода цуг таал бәәнә.
Ясвр кесн хөөн, көдләчнр икр байрлв. Школд столов сентябрин хойр шинлә экләд көдлхдән белн.
Шеф-повар Нина Дарбакован келсәр, һуйрин зүүтә болн әмтәхн олн-зүсн хот-хол кех санан бәәнә, олн ундн бәәнә, тер тоод хальмг цә, зер-земшин шим өгхвидн.
Школьн столов шинрүлж яссна хөөн сән чинртә хот-хоолар сурһульчнр теткгдх. Дамшлтта шеф-повар нина Дарбакован келсәр, урдк кевәр сурһульчнриг хойр дәкж халун хотар теткх. Көвүд-күүкдин хот сән чинртә болх зөвтә. Бичкдүдт өрүн хаш, тоста өдмг өгнә. Үдин хот гиж махна эс гиж заһсна зүүтә хот өгнә, үснә зүүтә, темс, зер земш әмтәхн унд өгчәнә. Дарбакован келсәр, эн школд һүурин зүүтә болн кулинарн кегдлмүд кеж һарһдг оборудовань углж тәвлә.
Нина Дарбакован келсәр, олн-зүсн хот өгхәр зүткнә. Ода темсн болн зер-земш дала. Сән чинртә хот-хоолар сурһульчнриг теткх зура бәәнә.
Ода школд халун хот мөнг өгәд ууж болх. Специалистнрин келсәр, хот-хоолын үн дегд ик биш.
Элстин эрдм-сурһулин заллтин ах специалист Байрта Бальджирован келсәр, өрүн болн үдин хот дундлад тәвн арслнг күрчәнә. Кемр сурһульчн нег дәкж хот уухла, һучн тавн арслнг өгх.
Льготн категрин бичкдүд нурһлж баһ тетквртә өрк-бүлмдүдин сурһульчнр хот-хоолар өнгхр теткгдх. Энүнә төлә мөнгн бәәрн хазнас иржәнә. СНХ Бальджирован келсәр, ода государств хөрн тавн арлснг данцажана. Үлдснь мөнгинь эк-эцкнр өгнә. Иргч жилин бюджетд һучн тавн арслнг данцах зура темдглж авлавидн.
Специалистнрин иткүлсәр, Элст балһсна һардачнр школьн сотолвиг цаарандан чигн шин оборудованяр теткх саната.
