Баһ наста режиссер хальмгин баһчудын тускар шин фильм цокж авв
Удл уга баһчудын шог наадта “Гем уга” нертә шин фильм хәләж болх. Энүнд гүн ухата долан тууж орв. Шин кинод нег өдр үүлдвр нег балһснд болж. Ода цокж авгдсн материалыг белджәнә, цифрин эв-арһар үзүлх зура бәәнә. Фильмин зокьялчнрин келсәр, шин кино цокж авхин төлә хойр дундур сай арслнг кергтә болв.
Долан туужин сүл тууж Застярвшие нертә. Долан әнгд Элст балһснд бәәх баһчудын бәәдл-жирһлин тускар келгджәнә. Шин фильм сурһмжин чинртә болв чигн, шог наадта соньн кино болж һарв. Энүг өрк-бүләрн хамдан сууһад хәләхд тааста болх. Цуг тууж әдл биш. Энүнд олн-зүсн наста әмтн үзүлгджәнә. Эдн цугтан әдл биш сурһмж авч. Тер бийнь эдн хоорндан залһлдата болна. Нег үлү бичкн Элтс балһснд әмтн нег-негән сәәнәр меднә гиж шин фильмин сценарин зокьялч болн режиссер Корней Апушов келнә. Келхд, Корней түрүн болж кино цокж авч. «Гем уга» нертә фильмин зокьялч болн режиссер Корней Апушовин келсәр, шин кино нурһлж баһчудын төлә кегдв. Олн әмтн дунд бийән яһж бәрх, ямаран йовдл һаршгон тускар келгджәнә. Энүнд сән болн му тууж бәәнә. Шин кино хәләсн баһчуд му-сәәһинь эврән йилһәд шүүж авх.
Гем уга фильмд дурна, иньглтин, эрүл-дорул кевәр бәәлһнә, төрскнч сурһмжин болн шажнд сүзглдгин тускар хәләж болх. Энүнд һол дүрмүднь баһчуд. Байр бахмжта, цецн ухата болн чик кевәр бәәдг көвүд-күүкд бийән шинжлж хәләһәд, олн-зүсн бәәдл-жирһлин учрсн йовдлд чик эс гиж хажһр шиидвр авсн тускар медж болна. Зәрм эпизодмудт мана танһчин эгл улс орлцв.
Фильмин һол дүр нааджах Очр Такаевин келсәр, олн улсин тоолврар бәәдго көвү нааджана. Энүнә жирлһд учрдг йовдлмудын тускар эврә тоолврта күн. Эврәннь бәәдл-жирһлин хаалһар дааврта кевәр йовж йовна. Һол дүр наадсн Байрта Ходжигорован келсәр, фильмин һол дүр күүкн сән бәәхлә, иргчдән чигн сән болх гиж санна. Зуг талдан улсла хәрлцәһән тогтаж чаджахш. Төөрәд, үүмдә бәәнә. Иим кеәвр баһ наста күүкн бәәнә.
Шин кино олн улст, хамгин түрүнд баһчудт чик сән сурһмж өгх гиж фильмин зокьялчнр нәәлжәнә. Эднә кесн фильмиг әмтн дегд икәр шалһж ик неквр тәвшго гиж эдн тоолжана. Юнгад гихлә, эннь баһчудын түрүн үүдәвр болжана. Гем уга гисн үг орс келнд неплохо гиж орчулгдна. Тегәд фильмин зокьялчнр бас гем уга болх гиж санжана.
Ээнән Делгр, Бадмаран Владислав
