Алексей Орлов Лаганск районд көдлмшин кергәр одв
Эндр Лагань балһснд өнчн бичкдүдин төлә тосхгдсн гер байрин бәәдлд секгджәнә. Дөврн патьрта герин тосхлт эн жилин август сард эклсмн. Эндр өнчн көвүд-күүкд ик кезәнәс авн күләжәсн шин бүүртән нүүж орх. Энүнә өмн өдр танһчин толһач Алексей Орлов Лаганск районд көдлмшин кергәр одсн кемд района заһсчнрла болн малчнрла харһад күүндв.
Лаганцнриг дәкәд нег хурц төр үүмүлжәнә. Электрокүчнә залһлдан энүг тосхнас авн шинрүлгдж ясгдад уга. Шүрүн салькн болхла эс гиж цас орхла Лагань балһсна улс герл уга үлднә.
Лаганск района толһач Андрей Манджиевин келсәр, салькн көдлхлә электросунһуг тасрна. Эн төриг хаһлх кергтә. Лагань балһснд электрокүчнә залһлда дегд хуучн. Танһчин толһач Алексей Орловин темдглсәр, эн төриг темдглж авх кергтә. Энүг хамгин түрүнд хаһлх зөвтәвидн.
Лаганск района бәәрн улсиг үүмүлжәх дәкәд нег төрнь — полсексиг уудг усар тетклһн. Джалыковское селәнә муниципальн бүрдәц хойр минһн арвн һурвдгч жилин селән социальн делгрлтин федеральн шишлнг программд орсн билә. Эн программар Джалыково болн Буранное селәдиг усар тетклһнә обьектмуд тосхгджана. Энүнә төлә һучн хойр сай арлснг кергтә. Энүнәс һурвн сай арслнг олзлгдв. Тосхлт күцәхин төлә дәкәд нәәмн сай арслнг кергтә. лайф Светлана Убушаеван келсәр, эн жил эн тосхлтын төлә долан сай арслнг өгсн болхла, сән болх билә.
Поселксин уудг усар тетклһнә төр танһчин толһач селәнә эдл-ахун көдләчнрлә болсн харһлтд босхв. лайф Николай Мангаевин келсәр, канализационн залһлдана болн усна цувгин участкиг шинрүлж яслһна төсв батлж авлһнд нөкд күргх кергтә. Иим сурвр бәәнә.
Лаганск района әмтн заһс бәрлһнә халхар өрк-бүлмдүән тежәжәнә. Энүнәс иштә лаганцнр харһлтд заһс бәрлһнә участкиг салһад, заһс бәрх зөвшәл өгх кергтә.
Ода Лаганск район банкас ик өгья мөнг авсн бийнььүклднь авад келхлә, района делгрлтин йовуд му биш.
Танһчин толһач Алексей Орловин келсәр, танһчин правительствин һардач болн толһач районд болн эдл-ахусд тогтсн бәәдлин утскар медх зөвтә. Эн саамд Лаганск района төрмүд босхгджана. Иим харһлтыйн йовудт хурц төрмүд босхгдна. Энд тәвгдсн төрмүд түрүн хәләцд дегд ик чинртә биш, зуг эдн цуг малчнриг үүмүлжәх төрмүд. Эннь региона экономикд ик чинр зүүжәнә.
Елена Алексенко, Бадмаран Владислав
