Агропрмышленн төрәр правительствин комиссин сүүр болв
Эндр мана региона агропромышленн болн заһс бәрлһнә эдл-ахун колмплексин төрмүдәр правительствин комиссин сүүр болв. Селвлцәнә йовудт Хальмг танһчин усна боодгудт идгүдин аквакультурин делгрлтин болн өдгә цагин бәәдлин туск төр хәләгдв. Тер мет сүүрт селәнә эдл-ахун делгрлтин болн селәнә эдл-ахун продукцин, хот-хоолын рынкин государтвенн программ күцәлһнә ашин туск төрмүдәр күүндвр болв. Сүүрин эклцәр агропромышленн комплексин государственн программ күцәлһнә аш диглгдв. Ода энүнә ханьд зун долан селәнә эдл-ахун предприять, дөрвн минһн крестьянск фермерск эдл-аху көдлжәнә. Мана региона һол халхнь мал өсклһн. Энүнә һол үзмжнь — олна малын то икдүлһн. Эн жилин эклцәр мана танһчд зурһан зун минһн толһа бод мал билә. Мөрд болн хөд өсклһнә төлә федеральн бюджетас болн танһчин хазнас дөнцл мөнгн ирв. Селән һазрт социальн халхин һол төрнь газ орулһн болжана. Давсн жилд һуврн зун герт кимд түлән орулгдв. баһ наста өрк-бүлмүдин төлә бәәдг гермүд тосхгджана.
