ПОЛИТИКА
ЭКОНОМИКА
ОБЩЕСТВО
КУЛЬТУРА
ПРОИСШЕСТВИЯ
СПОРТ
ВЕСТИ НА КАЛМЫЦКОМ
Из истории ГТРК
Радио Калмыкии
Наш коллектив
Проекты
Программы Радио Калмыкии
Наши достижения
Реклама
Контакты и координаты
ПОЛЕЗНЫЕ СЕРВИСЫ
Приемная Президента РФ в Калмыкии
ПРОГРАММЫ
Новости Калмыкии на канале Россия 24
События недели
Радио Калмыкии
Видеотека
ГТРК Калмыкии - 45
Конкурс детской песни Теегин айс

ПАРТНЕРЫ
Вести Недели
Мобильный репортер



Vkalmikii.com

РИА Калмыкия





8-11-2011, 18:59

Ноябрин хөрн дөрвн күртл мана танһчд садв гем илткхин төлә флюорографическ шинжлт кегдх

Ноябрин хщрн дщрвн күртл мана танһчд садв гем илткхин төлә флюорографическ шинжлт кегджәнә. Энүнд цуг әмтн шинжлтд орж чадх. Эн керг-үүлдврин программар танһчин селәдт шишлнг оборудованьта машин йовх. Специалистнрин зәнглсәр, эндр өдрт танһчин цуг улсин зуг өрәлнь иим шинжлтд орв. Нег үлү, арвн тавн процентнь хойр жилдән рентгентд орад уга.




8-11-2011, 18:58

Сүл цагт генткн киитн болснас көлтә, танһчин олн әмтн үүмәд бәәв

Йиртмжд му тенгрин бәәдл уга гиж дуунд келгднә. Тер бийнь генткн киитн болснас көлтә, олн әмтн үүмәд бәәв. Танһчин зәрм улс үвлин дулан хувц хулдад авад уга бәәж. Дәкәд болхла намрин чилгчәр цасн чигн орх таавр бәәнә. Нарн һарсн бийнь, аһарин кемжән ноль градусас дуларчахш.




8-11-2011, 18:57

Үстин района эрүл-менд харлһна халх шинрүлһнә төлә хөрн нәәмн сай арслнг йилһж өггдв

Района эрүл-менд харлһна халх шинрүлһнә төлә хөрн нәәмн сай арслнг йилһж өггджәнә. Иим ик мөнгн федеральн бюджетас түрүн болж ирх. Ода Үстин района Цаһан Амна район больницд ясврин көдлмш гүргүдән, энүнә хөөн энд шин медицинск оборудовань хулдж авгдх.




8-11-2011, 18:57

Эндр Элст балһсна мэрин, Элст балһсна хургин ахлачин үүлд Эрдни Шогджиев орлһна байрин керг-үүлдвр болв

Эндр хотл балһсна мэрийд Элст балһсна мэрин, Элст балһсна хургин ахлачин үүлд Эрдни Шогджиев орлһна байрин керг-үүлдвр болв. Эрдни Шогджиев цуглрсн улсин чирәд андһар өгв. Хальмг танһчин толһач Алексей Орлов Шогджиевиг йщрәһәд, хотл балһсна ахлачин темдг бәрүлж өгв.




7-11-2011, 18:55

Үстин района Цаһан Амн селәнд арвн негн өрк-бүл хуучн олн давхрта гермүдәс шин бүүрт нүүж орв

Үстин района Цаһан Амн селәнд арвн негн өрк-бүл хуучн олн давхрта гермүдәс шин бүүрт нүүж орв. Эдн федеральн программар тосхгдсн шин герт бәәршлх. Давсн жилд энүнә төлә арвн сай арслнг йилһж өггдв. Энүнәс йисн сай арслнг федеральн бюджетас ирв, нег сай арлснг бәәрн хазн йилһж өгв. Иргч жилд бас иим программд орлцх ицлтә бәәнәвидн гиж Цаһан Амна СМО-н толһач келв.




7-11-2011, 18:39

Көтчнр селәнд бөк бәрлдлһнә марһан болв

Давсн амрлһна өдрмүдт Көтчнр селәнд церглж йовад әмнәсн хаһцсн зөв-йосна органа көдләч Владимир Манджиевин санлд нерәдгдсн вольн янзар бөк бәрлдлһнә марһан болв. Энүнд района цуг селәдин болн танһчин райодын зун тәвн элч дөрлдәд,дииләчән йилһв.




7-11-2011, 18:38

Элст балһснд «В семье единой» нертә хазгудын сойлын танһчин һурвдгч фестиваль болв

Элст балһснд «В семье единой» нертә хазгудын сойлын танһчин һурвдгч фестиваль болв. Эн керг-үүлдвр олн-әмтнә негдлтин байрт нерәдгдв. Элстин цутхлнг хурлын гелнгүд болн владыка Зиновий цуглрсн улсиг йөрәв. Танһчин райодын болн Элст балһсна эврә дурар үүлддг коллективмуд ду-бииһәрн олн улсиг байрлулв.




7-11-2011, 18:37

Яшкульск района Кировский СПК- н көдләчнр эдл-ахун жирн жилин ончта өөнән темдглжәнә

Эн өдрмүдт Яшкульск района Кировский СПК- н көдләчнр эдл-ахун жирн жилин өончта өөнән темдглжәнә. Кесг жилин туршарт эн племзавод сән үзмж бәрәд, Әрәсәд нүүрлгч орм эзлжәнә. Энд өсксн мал цугәрәсән һәәхүлд алтн медаль шүүж авна.




3-11-2011, 18:47

Эн өдрмүдт мана танһчд шүлгч Санһжин Босян ончта өөн темдглгджәнә

Ноябрин зурһанд мана танһчд хальмгин олн-әмтнә бичәч Санһжин Босян ончта өөн темдглгдх. Эн жил билгтә бичәч йирн нас зүүх бәәсмн. Өөнд нерәдгдсн керг-үүлдврмүд танһчин цуг райодт болжана. Аршан селәнд бәәдг Пушкина библиотекин филиалд иим нег керг-үүлдвр болв.




3-11-2011, 18:46

Элст балһснд сунһврин зөвин төрмүдәр болсн танһчин олимпиад төгсв

Элст балһснд сунһврин зөвин төрмүдәр болсн танһчин олимпиад төгсв. Энүг танһчин сунһлһна комиссь болн Хальмгин эрдм-сурһулин,номин болн сойлын министерств бүрдәж давулв. Марһана дииләч Хальмг танһчин нериг цугәрәсән марһанд харсх зөв авв.




3-11-2011, 18:45

“Умник” нерәдлһтә марһан Хальмгин государственн университет болв

«УМНИК-2011». Хальмгин государственн университет болн баһ предприятьмудыг делгрлт дөн күрглһнә санг октябрь сард бүрдәж давулсн номин инновационн төсвсин марһана ашар долан баһ наста номт призермудын тоод орв. Номтнр биотехнологин болн маши тосхлһна халхар төсвән үзүлв. Эднд хойр зун минһн арслнга мөрә бәрүлж өгв. Эн мөнгәр хальмгин номтнр эврәннь төсвән бәәдл-жирһлд тохраж чадх.

Новости Калмыкии в видео-сюжетах программы «Вести - Калмыкия» на телеканале «РОССИЯ 1»


добавить на Яндекс

Р е к л а м а
А р х и в
«    Октябрь 2018    »
ПнВтСрЧтПтСбВс
1234567
891011121314
15161718192021
22232425262728
293031 





Государственный Интернет-Канал «Россия» (свидетельство о регистрации Эл № ФС 77-59166 от 22.08.2014) ©

Учредитель - федеральное государственное унитарное предприятие «Всероссийская государственная телевизионная и радиовещательная компания»
Главный редактор - Панина Елена Валерьевна, редактор ГТРК - Нимгирова Мария Олеговна.
Почта — kalmvesti@mail.ru Телефон телекомпании: +7 (84722) 4-06-10. Реклама на сайте: тел. +7 (84722) 3-31-55.
Возрастное ограничение -
Адрес: Российская Федерация, Республика Калмыкия, г. Элиста, ул. Горького, 34