ПОЛИТИКА
ЭКОНОМИКА
ОБЩЕСТВО
КУЛЬТУРА
ПРОИСШЕСТВИЯ
СПОРТ
ВЕСТИ НА КАЛМЫЦКОМ
Из истории ГТРК
Радио Калмыкии
Наш коллектив
Проекты
Программы Радио Калмыкии
Наши достижения
Реклама
Контакты и координаты
ПОЛЕЗНЫЕ СЕРВИСЫ
Приемная Президента РФ в Калмыкии
ПРОГРАММЫ
Новости Калмыкии на канале Россия 24
События недели
Радио Калмыкии
Видеотека
ГТРК Калмыкии - 45
Конкурс детской песни Теегин айс

ПАРТНЕРЫ
Вести Недели
Мобильный репортер



Vkalmikii.com

РИА Калмыкия






12-04-2013, 15:33

Лидия Кулешова далн тавн жилин өөнән темдглжәнә


Элст балһснд государственн концертн залд Лидия Кулешован концерт болв. Эн өдрмүдт Әрәсән ачта артистк далн тавн жилин өөнән темдглжәнә. Концертд государственн камерн хор, симфоническ оркестр, “Бамб цецг” нертә ду-бииһин государственн ансамбль орлцв. Келхд, Бамб цецг ансамблин ханьд Кулешова үүдәлтин хаалһан эклсмн.

Сцен деер нертә дууч һарч ирв. Хальмг танһчин государственн хор энүнә ончта өөнин концертд орлцв. Әрәсән ачта артистк Лидия Кулешова далн тавн нас зүүв. Чееж дуулхла, насн харш болхш гиж нертә дууч келнә. Көгжмин халхар эн билгтә дууч йоста өвәрц йовдл болж тоолгдна. Энүнә контральто хоолнь соньн болсн деерән, йир ховр. Иим хоолта дууч оперн театрмудт нерән туурулх бәәсмн. Болв Чайковскийн нертә государственн консерваторь төгсәсн дууч төрскн һазртан хәрж ирв.

Әрәсән ачта артистк Лидия Кулешован келсәр, жирһлин талдан хаалһ шүүж авч чадшго бәәж. Ода дәкнәс кен болхвт гисн болхла, зуг көгжмин эрдмәр көдлх биләв гисн хәүр өгх бәәж.

Иим өвәрц хоолыг деерәс бурхд залж өгч гиж әмтн келнә. Түрүн болж энүнә дуулсн дууг Петр Надбитов икәр алн болад бәәв. Тәвн доладгч жилд Лидия Кулешовад Бамб цецг ансамбль көдлх үрвр кегдв. Тер цагт сцен деер баһ наста хатмл күүк сонсчкад, Петр Надбитов икәр байрлв.

Әрәсән искусствин ачта үүлдәч Петр Надбитовин келсәр, иим күүкд улсин бөдүн хол түрүн болж сонсж. Кесг жил болад Ленинград балһснд перуанск нертә дууч Инна Сумакин дуулсинь сонсж. Тер цагт мана Лидия Кулешоваг дотран санж.

Дор ормдан бәәх мини занг биш гиж Лидия Кулешова келнә. Ансамблин баһ наста дууч көгжмин эрдм дасхар бичкнәсн авн ухалжасмн. Иим арһ энүнд учрв. Түрүләд Ростовск көгжмин училиш төгсәчкәд, Московск государственн консерваторьт цаарандан сурһуль дасв. Энүнә хөөн билгтә дуучин үүдәлтин хаалһ эклсмн. Эн саамд олн-зүсн оперн дүр үзүлв. Эднәс хамгин темдгтәнь “Евгений Онегин” оперт нәнән парть дуулсн йовдл. Энүнд Әрәсән нертә дууч Галина Вишневская орцла. Иим ончта йовдл консерваторин һурвдгч курст сурчасн кемд учрв.

Оперт партиг сәәнәр дуулж. Эндү һарһсн уга. Вишневская теврәд, бичкн күүкн тас үзгдсн уга. Советск Союзин олн-әмтнә артисткла хамдан дуулх гиж санжасн уга. Иим нертә оперт нәәнә парть дуулх гиж санжасн уга бәәж.

Әрәсән көгжмин хамгин һол сурһуль төгсәсн дууч Кулешова Казахстана, Бурятин, Башкирин оперн театрмудт көдлж чадх бәәсмн. Болв энүг Хальмг танһчд күләжәсмн. Ода Лидия Кулешова педагогическ көдлмш күцәсн деерән, концертн үүлдврән хайжахш. Лидия Кулешован тоолврар, өдр болһн дурта эрдмдән, көгжмд болн эврәннь сурһульчнртан церглснәс даву байр уга.

Әрәсән искусствин ачта үүлдәч Аркадий Манджиевин келсәр, Лидия Кулешова дут наслхинь дурджана. Үүдәлтин хаалһар күцәмж бәртхә. Баһчудын өөр бәәһәд, байн дамшлтарн хувалцхинь дурджана. Дорас өсж үйнрт үлгүр-үзмж болж йовтн.

Хальмг танһчин сойлын ачта көдләч Баснга Ивана келсәр, Хальмгин государственн хорин ханьд Чехословакин орн-нутгт Гран-при шүүж авла. Кулешован дун хамгин ик чинр зүүсмн.

Чучян Валентина, Колдан Церн




Другие новости по теме:


Новости Калмыкии в видео-сюжетах программы «Вести - Калмыкия» на телеканале «РОССИЯ 1»


добавить на Яндекс

Р е к л а м а
А р х и в
«    Август 2018    »
ПнВтСрЧтПтСбВс
 12345
6789101112
13141516171819
20212223242526
2728293031 





Государственный Интернет-Канал «Россия» (свидетельство о регистрации Эл № ФС 77-59166 от 22.08.2014) ©

Учредитель - федеральное государственное унитарное предприятие «Всероссийская государственная телевизионная и радиовещательная компания»
Главный редактор - Панина Елена Валерьевна, редактор ГТРК - Нимгирова Мария Олеговна.
Почта — kalmvesti@mail.ru Телефон телекомпании: +7 (84722) 4-06-10. Реклама на сайте: тел. +7 (84722) 3-31-55.
Возрастное ограничение -
Адрес: Российская Федерация, Республика Калмыкия, г. Элиста, ул. Горького, 34